މަޝްހޫރު ސޯޝަލް މީޑިއާ އެކްޓިވިސްޓު އަޙްމަދު އަޝްރަފް (ޝުމްބާ ގޮންގް)ގެ ޓްވިޓަރ އެކައުންޓާއި އޭނާ ހިންގާ އެމްވީ ކްރައިސިސްގެ ޓްވިޓަރ އެކައުންޓުގެ ވެރިވިކޭޝަން ބެޖު ޓްވިޓަރއިން އަތުލައިފިއެވެ.
ޓްވިޓަރގެ ވެރިޔާ އެލަން މޮސްކު މިއަދު ކޮށްފައިވާ ޓްވީޓެއްގައިވަނީ ޓްވިޓަރ ވެރިފިކޭޝަން ބެޖު މިހާރު ދޫކޮށްފައިވާ ބައެއް މީހުންގެ ބެޖުތައް އަތުލާނެކަން ހާމަކޮށްފައެވެ. އެއީ ގޮތްނޭނގޭ ފޭކް އެކައުންޓުތަކާއި މީހުންގެ މެދުގައި ފިތުނަ ފަސާދަ އުފައްދާ ބައެއް ފަރާތްތަކުން ގެންގުޅޭ އެކައުންޓުތަކަށްވެސް ފަހަކަށްއައިސް ވެރިފިކޭޝަން ބެޖު ދީފައިވާތީ މީހަކު ފާޅުކުރި ޚިޔާލަށް އޭނާ ދިން ޖަވާބެކެވެ.
Legacy blue checks will be removed soon. Those are the ones that are truly corrupt.
— Elon Musk (@elonmusk) February 10, 2023
ޝުމްބާގެ އެކައުންޓާއި އެމްވީ ކްރައިސިސްގެ ވެރިފިކޭޝަން ބެޖު އތުލީ ކީއްވެކަމެއް ސާފެއް ނުވެއެވެ. އެހެންނަމަވެސް މިކަމާ ގުޅިގެން މަޝްހޫރު އެކައުންޓު ހަސަން ކުރުސީ ކުރި ޓްވީޓަކަށް ޖަވާބުދެމުން ޝުމްބާ ބުނެފައިވަނީ، މިއީ އިދިކޮޅު ޕީޕީއެމްއިން އަޑީގައި އޮވެގެން ކޮށްފައިވާ ދޮގު ރިޕޯޓުތަކާ ގުޅިގެން ވެގެން އުޅޭކަމެއްކަމަށާ، މައްސަލަ މިހާރުދަނީ ޓްވިޓަރއިން ބަލަމުންކަމަށެވެ.
Hourglass akaa ingili eh dhakkain kufuru vee Kuredhi Kuri ah maruge inzaaru dhinee kamah kiyaigen PPM bots coordinated dhogu report thakeh koh, rasmee domain ga email liyegen ulhenee. Mee fenvarakee. Massala balamun dhanee. https://t.co/FWqT51R5eU
— Shumba Gong (@ShumbaGong) February 11, 2023
ޝުމްބާ ގޮންގ އަކީ ސޯޝަލްމީޑިއާގައި މަޝްހޫރު އެކްޓިވިސްޓެކެވެ. އޭނާގެ އެމްވީ ކްރައިސިސްއަކީ ރާއްޖޭގައި ހިނގާ އެކިއެކި ކަންކަމުގެ ޚަބަރާއި މަޢުލޫމާތާއި ޙާދިސާތައް ވަރަށް އަވަހަށް ފޮޓޯއާއެކު ސޯޝަލް މީޑިއާގައި ހާމަކުރާ އެކައުންޓެކެވެ. އެހެންނަމަވެސް ޝުމްބާއާ ޚިޔާލު ތަފާތުވާ މީހުންނާ ބެހޭގޮތުން ކަނޑައެޅިގެން ދޮގުހެދުމާއި މީހުންގެ އަގުވައްޓާލުމާއި މީހުން ފަޟީހަތްކުރުމުގެ ތުހުމަތު ފަހަކަށްއައިސް އެމްވީ ކްރައިސިސްއާއި ޝުމްބާއަށްވެސް ވަނީ ކުރެވިފައެވެ.
🚨‼️ Breaking News
Twitter has taken action against @ShumbaGong and @MvCrisis by removing the verification badge.
I would like to urge everyone to read Twitter T&C before you tweet and keep your emotions and tweets within an acceptable limit. https://t.co/aTiMasmtPU pic.twitter.com/38MuPPdktw
— Hassan Kurusee (@HKurusee) February 11, 2023
ދީނީ އިޖުތިމާޢީ ސިޔާސީ މިންގަނޑުތަކާ ޚިލާފަށް ނަފުރަތާއި ފަސާދަ އުފެއްދުމާއި ބަދުއަޚުލާޤީ މަންޒަރުތަކާއި ވާހަކަތައް ފެތުރުމާއި، ހަރުކަށިކަމާއި ޓެރަރިޒަމަށް ވާގިވެރިވާ މޭރުމުން ކޮންޓެންޓު ފެތުރުމަކީ ޓްވިޓަރއިން ވަގުތުން ފިޔަވަޅު އަޅާ ކަންކަމެވެ. ދިވެހިންގެ ބައެއް އެކައުންޓުތައް މިފަދަ ތުހުމަތުތަކުގައި ބްލޮކްކޮށްފައިވެސް އެބަހުއްޓެވެ.
