ކުޅުދުއްފުށީ އެއާޕޯޓް ގޮނޑުދޮށް ހިމާޔަތް ކުރުމުގެ މަޝްރޫއުގެ މަސައްކަތް ހަލުވި ކަމާއެކު ކުރިއަށްދާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.
އެ ކުންފުނިން ބުނި ގޮތުގައި މި މަޝްރޫއަށް ބޭނުންވާ ބޮޑުހިލައިގެ ތިންވަނަ ޝިޕްމަންޓް ވަނީ ޕްރޮޖެކްޓް ސައިޓަށް ގެންގޮސްފައެވެ. މި މަޝްރޫއުގެ ދަށުން މިހާރު ކުރިއަށްދަނީ ގޮނޑުދޮށަށް ވެލި އެޅުމުގެ މަސައްކަތާއި ބެޑް ޕްރިޕަރޭޝަން މަސައްކަތްތަކެވެ.
Third shipment of rock boulders required for Hdh. Kulhudhuffushi Airport Shore Protection Project have been delivered to the site. Back filling and bed preparation works are currently ongoing.#MTCCProjects #RayyithungeKunfuni pic.twitter.com/TckHPX3SxA
— MTCC Plc (@MTCCPlc) February 8, 2023
ގިރާ ސަރަޙައްދު ހިމާޔަތް ކުރުމުގެ މަޝްރޫއުގެ ދަށުން މިހާރު އޮތް 590 މީޓަރުގެ ބޮޑު ހިލައިގެ ރިވެޓްމަންޓް މަރާމާތުކޮށް އުސްކުރުމުގެ މަސައްކަތް ހިމެނެއެވެ. އަދި 292 މީޓަރުގެ ބޮޑު ހިލައިގެ ރިވެޓްމަންޓެއް އިތުރުކުރުމާއި 30 މީޓަރުގެ ބޮޑުހިލައިގެ ގްރޮއިންސް ޖެހުން ހިމެނެއެވެ. މި މަޝްރޫޢުއަށް 42.3 މިލިޔަނަށްވުރެ ގިނަ ރުފިޔާ ޚަރަދުވެއެވެ.
ކުޅުދުއްފުށީގެ އެއަރޕޯޓް ތަރައްޤީކުރުމަށް އެރަށުގެ ކުޅި ހިމެނޭހެން 15 ހެކްޓަރުގެ ބިންވަނީ ހިއްކާފައެވެ. މީގެތެރެއިން 6 ހެކްޓަރު ހިއްކާފައިވަނީ ރަށުގެ ފަޅުތެރެއިންނެވެ. އެ ސަރަޙައްދު ޙިމާޔަތްކުރުމަށް ފުރަތަމަ ޖަހާފައިވަނީ 590 މީޓަރުގެ ދިގު، 1.6 މީޓަރުގެ އުސް ބޮޑުހިލައިގެ ތޮއްޓެކެވެ. ނަމަވެސް ވިއްސާރަވެ މޫސުންގޯސްވުމުގެ ސަބަބުން، މި ތޮއްޓަށްވެސް ވަނީ ބޮޑެތި ގެއްލުންތަކެއް ލިބިފައެވެ.
ކޮމެންޓު ފޮނުވާ