ބޮލީވުޑްގެ އެކްޓަރު ސަލްމާން ހާން އަކީ އަބަދުވެސް ލާމަސީލު ނަމޫނާއެއް ކަމަށް ގިން ބަޔަކު ގަބޫލުކުރާ ތަރިއެކެވެ. ސަލްމާން އަކީ އޭނާ އާއި ގާތް ގުޅުން އޮންނަ މީހުންނަށް އަބަދުވެސް ވަރަށް ކަމޭ ހިތައި އެމީހުންނަށް ވަރަށް އިހުތިރާމް ކުރާ މީހެކެވެ.
ބޮލީވުޑްގައި ސަލްމާންގެ ރައްޓެހިން ގިނައެވެ. އެ އެންމެންނަށް ވެސް އަބަދުވެސް ސަޕޯޓް ކޮށް އެމީހުންނާއި ބެހޭގޮތުން އަބަދުވެސް ޕޮޒިޓިވް ވާހަކަ ދައްކާ ސަލްމާން އަކީ ބޮލީވުޑްގެ އެންމެ ނުފޫޒު ގަަދަ އެއް އެކްޓަރުވެސް މެއެވެ.
އެގޮތުން ސަލްމާން ގެ ގާތް އެކުވެރިއާ އަދި ދެކުގައި ފިލްމްތަކެއް ވެސް ކުޅެފައިވާ އެކްޓަރު އަކްޝޭ ކުމާރުގެ ފިލްމް "ސެލްފީ" އަންނަ މަހުގެ އަންނަނީ ރިލީޒް ކުރުމަށް ތައްޔާރު ވަމުންނެވެ. އެއާއި އެކުގައި މި ފިލްމްގެ ޕްރޮމޯޝަން ތަށް މިހާރު ވަނީ ފަށައިފައިއެވެ. އަދި ހަމަ އެއާއި އެކު ފިލްމް ގެ ފުރަތަމަ ލަވަ "މޭ ކިލަޅީ ތޫ އަނާޅީ" ވަނީ ބެލުންތެރިންނަށް ދޫކޮށްލައިފައިއެވެ.
މި ލަވަ އަކީ ލަވަ އަކީ ހަމަ މި ނަމުގައި 1994 ވަނަ އަހަރު ގެނެސްދިން ފިލްމްގެ ލަވައެކެވެ. ފޯރިގަދަ ނެށުން ތަކެއް ފެނިގެންދާ މި ލވައިގައި ފެނިގެން ގޮސްފައި ވަނީ އަކްޝޭ ކުމާރު އާއި ސައިފް އަލީ ހާން އެވެ.
ވަރުގަދަ ނެށުންތަކެއް ހުންނަ މިލަވަ މިހާރު ވަނީ ވައިގަގައި ފިފާފައިއެވެ. އަދި ބައެއް ތަރިންނާއި އެކުގައި އޭނާ އަންނަނީ މިލަވަ ރިކްރިއޭޓް ކުރަމުންނެވެ. އެގޮތުން އަކްޝޭ އާއި ޓައިގާ ވަނީ މި ލަވަ ރިކްރިއޭޓް ކޮށްފައިއެވެ.
View this post on Instagram
އަދި ހަމަ އެއާއި އެކުގައި އަކްޝޭގެ އެކުވެރި ސަލްމާން ވަނީ އަކްޝޭ އާއި އެކުގައި މި ލަވަ ރި ކްރިއޭޓް ކޮށްފައިއެވެ. އަދި މި ލަވަ ވަނީ އޭނާގެ ސޯޝލަ ްމީޑީއާގައި ހިއްސާކޯށްފައިއެވެ. ލަވަ ވަނީ ކުޑަ ވަގުތުކޮޅެއްގެ ތެރޭގައި ވައިރަލްވެގެން ގޮސްފައިއެވެ.
View this post on Instagram
މިދިއަ އަހރުގައި އަކްޝޭގެ 5 ފިލްމް އެއްވަނީ ރިލީޒް ކޮށްފައިއެއް. ނަމަވެސް އެއްވެސް ފިލްމް އަކަށް އެދެވޭ ވަރުގެ ކާމިޔާބެއް ލިބިފައިއެއް ނުވެއެވެ. ހުރިހާ ފިލްމްއެއް ރޭންކު ކުރީ ފްލޮޕްގެ ކެޓްގަރީއިންނެވެ.
ބޮޑަށް ބެލެވޭ ގޮތުގައި މި ހުރިހާ ފިލްމް އެއް ފްލޮޕް ވުމުން އަކްޝޭގެ ހިތަށް ވަނީ ވަރަށް ބޮޑަށް އަސަރުކޮށްފައިއެވެ. އެހެން ކަމުން ސަލްމާން އޭނާ އަށް ސަޕޯޓް ކުރަން ނުކުތީ ކަމަށް ބެލެވެއެވެ.
އަކްޝޭ އާއި އެކުގައި "ސެލްފީ" އިން ފެނިގެންދާނީ އިމްރާން ހާޝިމީއެވެ. ފިލްމްގެ ކާސްޓުގައި ދިއާނާ ޕެންޓީ އާއި ނުޝްރަތު ބަރޫޗާ އަދި މުރްނާލް ޓާކުރް ވެސް ހިމެނެއެވެ. މި ފިލްމް ރިލީޒް ކުރުމަށް ތާވަލް ކޮށްފައި ވަނީ އަންނަ މަހުގެ 24 ވަނަ ދުވަހުގައިއެވެ.
