ދާއިމަށް ޓްވީޓާ އިން ސަސްޕެންޑްކުރި ބޮލީވުޑްގެ ބަތަލާ ކަންގަނާ ރަނައުތު، އެނބުރި ޓްވިޓާ އަށް އާދެވިއްޖެ ނަމަ ކުޅި ސަމާ ދައްކާލެ ނަމަށް ބުނެފައި ވަނި ކޮން އޭނާގެ ޓްވިޓާ އެކައުންޓް އަލުން އިޔާދަކޮށް ދީފި އެވެ.
ކަންގަނާ ބުނީ ފުރުސަތު ލިބިއްޖެ ނަމަ އެންބުރި ޓްވިޓާ އަށް އަންނަނީ އިތުރު "މަސާލާ"އާ އެކު ކަމަށެވެ. އަދި ގިން ކަންތަށް ތަކެއް ފަޅާ އަރުވާލާނެ ކަމުގެ އިންޒާރުވެސް ކަންގާނާ ދީފައި ވެއެވެ. މިގޮތަށް އޭނާ ވާހަކަދައްކައިފައިވަނީ ދުނިޔޭގެ އެންމެ ބޮޑު މަހުޖަނު، އީލޮން މަސްކް، ޓްވީޓާ ގަތުމަށް ފަހު، ޓްވިޓާގައި ހިޔާލު ފާޅުކުރުމުގެ ފުރުސަތު އެންމެނަން ދޭނެކަމަށް ބުނުމާއި ގުޅިގެންނެވެ.
Hello everyone, it’s nice to be back here 🙂
— Kangana Ranaut (@KanganaTeam) January 24, 2023
ކަންގަނާ ވަނީ އޭނާގެ އޮފިޝަލް ޓްވިޓާ އެކައުންޓް އިން އިއްޔެ ޓވިޓެއް ކޮށް މުޅި ދުނިޔެ އަށް އެކަން އިއުލާން ކޮށްފައިއެވެ. ކަންގަނާ އަށް އަބުރާ ޓްވިޓާ ލިބުމާއި އެކުގައިވަނީ ޓުވިޓެއް ކޯށްފައިއެވެ. އިއްޔެ އެންމެ ފުރަތަމަ ކުރި ޓްވީޓްގައި ބުނީ އަލުން އެނބުރި ޓްވިޓާ އަށް އާދެވުމަކީ އުފަލެއް ކަމަށެވެ. ކަންގަނާގެ އެ ޓްވީޓް ތިން މިލިއަނަށް ވުރެ ގިބަ މީހުން ބަލާފައިވާ އިރު، 50،000 އަށް ވުރެ ލައިކް ވެސް ލިބިފައިވެ އެވެ. ޓްވިޓާ އިން ކަންގަނާ ފޮލޯކުރާ މީހުންގެ އަދަދު 2.9 މިލއަނަށް އަރަ އެވެ. އެކަމަކު އޭނަގެ އެކައުންޓް މިހާރު ވެރިފައިއެއް ނޫނެވެ.
View this post on Instagram
ޓްވިޓާގެ އުސޫލުތަކާ ހިލާފުވު ވާހަކަތައް ދައްކާތީ 35 އަހަރުގެ ބަތަލާ ޓްވީޓާއިން އުމުރުދުވަހަށް ބޭރު ކޮށްލުމުން އޭނާ ބުނީ ބުނީ ޓްވިޓާ އިން އޭނާ ބޭރުކޮށްލީ އެ ޕްލެޓްފޯމު ބޭނުންކުރަން ފެށިތާ އަހަރެއް ވެސް ނުވަނީސް ކަމަށެވެ. ކަންގަނާ ޓްވިޓާ އިން ބޭރުކުރީ 2021 ގެ މެއި މަހުގެ ތެރޭގަ އެވެ. އެކަމާ އޭނާ ވަނީ ޓްވިޓާގެ ސީއީއޯ ޖެކް ޑޯޯޒީ އަށް ވަރަށް އެއްޗެހި ވެސް ގޮވައިފައިއެވެ.
ބޮލީވުޑްގެ އެހެން ތަރިންނާއި ހިލާފަށް ކަންގަނާ އަކީ ޖެހިލުން ކުޑަ ކޮންމެ މީހަކާ ދިމާލަށް ކޮންމެ އެއްޗެއްވެސް ބުނަން ކެރޭ ބިރު ކުޑަ މީހެއްގެ ގޮތުގައި ލޭބަލް ވެފައިވާ ތަރިއެކެވެ.
<
