ރާއްޖޭގައި އިންޑިއާ ސިފައިން ތިބި ޢަދަދު ޑިފެންސް މިނިސްޓްރީން ހާމަނުކުރަން ނިންމި ނިންމުމަކީ ރަނގަޅު ނިންމުމެއްކަމަށް އިންފޮމޭޝަން ކޮމިޝަނަރު ނިންމެވި މައްސަލަ އިސްތިއުނާފްކުރުމަށް ހައިކޯޓަށް ހުށައަޅައިފިއެވެ.
އަމިއްލަ ފަރާތަކުން ވަނީ ރާއްޖޭގައި އިންޑިއާ ސިފައިން ތިބި ޢަދަދާއި ކުރާ ހޭދަ ހޯދުމަށް ޑިފެންސް މިނިސްޓްރީގައި އެދިފައެވެ. ނަމަވެސް އެއީ ޤައުމީ ސަލާމަތާއި ގުޅުންހުރި ކަމެއްކަމުން އެމަޢުލޫމާތު ހާމަނުކުރަން ޑިފެންސް މިނިސްޓްރީން ވަނީ ނިންމާފައެވެ. އަދި އެމައްސަލަ އިންފޮމޭޝަން ކޮމިޝަނރުގެ އޮފީހަށްވެސް ހުށައެޅުމުން އިންފޮމޭޝަން ކޮމިޝަނަރު ވަނީ އެމަޢުލޫމާތު ހާމަނުކުރަންޖެހޭ ޤާނޫނީ ހުއްޖަތެއް އެމިނިސްޓްރީން ހިއްސާކޮށްފައިވާކަމަށާއި، އެ ހުއްޖަތަކީ ބަލައިގަންވެނޭ ކަމަކަށްވާތީ އެމަޢުލޫމާތު ހިއްސާ ކުރެވޭނެ މަޢުލޫމާތެއް ނޫންކަމަށް ނިންމާފައެވެ.
އިންފޮމޭޝަން ކޮމިޝަނަރުގެ އެ ނިންމުމާއި ހިތްހަމަނުޖެހި އެފަރާތުން ވަނީ އެމައްސަލަ ހައިކޯޓްގައި އިސްތިއުނާފްކުރުމަށް ހުށައަޅާފައެވެ.
ކޮމެންޓު ފޮނުވާ