މަޝްޙޫރު ލަވަކިޔުންތެރިޔާ ނޭހާ ކައްކަރް އަދި ރޯހަން ޕްރީތު ސިންގް ވަނީ އޮކްޓޯބަރ 24 ގައި ކައިވެނިކޮށްފައެވެ. އަދި ކައިވެނީގެ ފަހުން މަސައްކަތަށް ނުކުންނަން ޖެހުމާއިމެދުގައި ވަނީ ޙިޔާލުފާޅުކޮށްފައެވެ.
"އިންޑިއަލް އައިޑަލް 12″ ފެށުމަށް 4 ދުވަހަށް ވެފައިވާއިރު އަލުން މަސައްކަތަށް ނުކުތުމަށް ނޭހާ ހުރީ ކެތްމަދުވެފައެވެ. މިފަހުން ނޭހާ ޕްރެސް ކޮންފަރެންސްއެއްގައި ބުނީ ކައިވެންޏަށް ފަހު ދިރިއުޅުން ބަދަލު ވެއްޖެކަމާއި އަދި ދިރިއުޅުން މާފުރިހަމަ ވެއްޖެކަމަށެވެ. އަދި އޭނާގެ ކާމިޔާބީގެ ފަހަތުގައިވާ އެންމެންނަށް ޝުކުރުއަދާކޮށްފައިވެއެވެ.
ނޭހާ ބުނީ އޭނާގެ ދިރިއުޅުމާމެދު ވަރަށް ހިތްހަމަޖެހޭކަމަށާއި ހެއްދެވިފަރާތަށް މިކަމަށް އަބަދުވެސް ޝުކުރުކުރާކަމަށެވެ. އަދި އިންޑިއަން އައިޑަލްއިން ދިމާވި އެންމެނަކީވެސް އޭނާގެ ކާމިޔާބީގެ ފަހަތުގައިވާ ވަރަށް މުހިންމު ބައެއް ކަމަށްބުނެ ޝުކުރު އަދާކޮށްފައިވެއެވެ. އަދި ފިރިމީހާ ރޯހަންޕްރީތަކީ ވަރަށް ރަނގަޅު، އަންޑަސްޓޭންޑިންގް މީހެއްކަމަށާއި އަދި އަބަދުވެސް ދެމީހުން އެކުގައި ވުމަށްދުޢާ ކުރާކަމަށެވެ.
އިންޑިއަލް އައިޑަލް 12 އިން ޖަޖުންގެ ގޮތުގައި ނޭހާ ކައްކަރާއި އެކު ފެނިގެންދާނީ ވިޝާލް ދަދްލާނި އަދި ހިމޭޝް ރޭޝަމިޔާ އެވެ. ޝޯވގެ ހޮސްޓަކީ ލެޖެންޑަރީ ލަވަކިއުންތެރިޔާ އުދިތު ނާރާޔަންގެ ދަރި އަދިއްތުޔަ ނާރާޔަން އެވެ.
