މިއަދުގެ ސަރުކާރުން ދިވެހި ފުލުހުންގެ ޚިދުމަތް ހަރުދަނާކޮށް އިސްލާޙުކުރަން މަސައްކަތްތަކެއް ކުރެވިއްޖެކަމުގެ އިޙްސާސް ކުރެވޭކަމަށްް މިނިސްޓަރ އޮފް ސްޓޭޓް ފޮރ ހޯމް އެފެއާޒް ޢަލީ ނަޒީރު ވިދާޅުވެއްޖެއެވެ.
އޭނާ މިހެން ވިދާޅުވީ އެންމެފަހުން ހޯމް މިނިސްޓަރ، ފުލުހުންގެ އިދާރާގައި ބޭއްވެވި ނޫސްވެރިންގެ ބައްދަލުވުމުގައި ބައެއް ނޫސްވެރިން ހޯމްމިނިސްޓަރ އިމްރާން ޢަބްދުﷲ އާ އަމާޒުކުރި ސުވާލުތަކާ ގުޅިގެންނެވެ. އިމްރާނަށް އަމާޒުކޮށް ބައެއް މީހުން ކުރާ ތުހުމަތުތަކާއި ޒާތީ ބައެއް ކަންކަމާ ގުޅޭގޮތުން އެދުވަހު ބައެއް ނޫސްވެރިން ސުވާލުކުރިއެވެ.
ސްޓޭޓް މިނިސްޓަރ ނަޒީރު ވިދާޅުވެފައިވަނީ ފުލުހުންގެ މައި މަރުކަޒެއްގައި ބާއްވާ ވަގުތުން ދުރައްދައްކާ ނޫސްވެރިންގެ ބައްދަލުވުމެއްގައި، ފުލުހުންގެ ވެރިންގެ ހާޒިރުގައި މިނިސްޓަރ އޮފް ހޯމްއެފެއާޒްއާ މުޚާތަބުކޮށް ޒާތީގޮތުން އިމެއްނެތް ސުވާލުތައްކުރަން ބައިވެރިންނަށް ކެރޭ ކެރުމާއި ނިމިގެންދިޔަ ރިޔާސީ ދައުރުގައި ރައީސް ޔާމީނު ކުރެއްވި އަނިޔާވެރި ޚުދުމުޚުތާރު ވެރިކަމުގައި ނޫސްވެރިންނަށް އޮތް ބިރުވެރިކަމާއި ފުލުހުން ލައްވާ ސަރުކާރުން ކުރުވަމުންދިޔަ ކަންކަން ހަނދާންކޮށަލުމުން ފުލުހުން އިސްލާހުކުރަން ސަރުކާރަށް މަސައްކަތެެއް ކުރެވިއްޖެކަމުގެ އިހުސާސް ކުރެވޭކަމަށެވެ.
ނިމިގެންދިޔަ ރިޔާސީ ދައުރުގައި ރައީސް ޔާމީނު ކުރެއްވި އަނިޔާވެރި ޚުދުމުޚުތާރު ވެރިކަމުގައި ނޫސްވެރިންނަށް އޮތް ބިރުވެރިކަމާއި ފުލުހުން ލައްވާ ސަރުކާރުން ކުރުވަމުންދިޔަ ކަންކަން ހަނދާންކޮށަލުމުން ފުލުހުން އިސްލާހުކުރަން ސަރުކާރަށް މަސައްކަތެެއް ކުރެވިއްޖެކަމުގެ އިހުސާސް ކުރެވޭ.2/2
— Ali Nazeer (@alynazeer) January 17, 2023
ނަޒީރަކީ އިމްރާނާ ގާތް ބޭފުޅެކެވެ. އޭނާވެސް ނިސްބަތްވެވަޑައިގަންނަވަނީ އަދާލަތު ޕާޓީއަށެވެ. ޢަދާލަތު ޕާޓީގެ ރައީސްގެ ގޮތުގައި ހުންނަވައި އިމްރާން މިސަރުކާރުގެ ހޯމް މިނިސްޓަރުކަން ކުރައްވާތީ އޭނާއަށް ފާޑިކިއުން އަމާޒުވެއެވެ. އެއީ ދީނީ ކަންކަން އިސްކުރާ ޕާޓީއަށް އަދާލަތުޕާޓީ ވާކަމަށް އެޕާޓީން ބުނާއިރު، މިސަރުކާރުގެ ތެރެއިން އިސްލާމްދީނާ ޚިލާފު ބައެއްކަންކަންމާއި ދީނަށް ފުރައްސާރަކުރުންފަދަ ކަންކަމުގައި އެކަށީގެންވާ ފިޔަވަޅު ނާޅާކަމަށް ތުހުމަތުކޮށެވެ.
