ރައްޓެހި ރަހުމަތްތެެރި ކަމުގެ ސަބަބުން ފިލްމް ކުޅެދިނުން މިހާރު ވަނީ މާޒީވެފައި ކަމަށާއި ރައްޓެހިނަންނަށް ދެން ފިލްމް ކުޅެ ނުދޭނެ ކަމަށް ބޮލީވުޑްގެ އެންމެ ހުނަރުވެރި އެއް އެކްޓަރު ރާޖް ކުމާރު ރާއޯ ބުނެފިއެވެ.
ޝައްކެއް ވެސް ނެތް ގޮތުގައި ރާޖްއަކި ބޮލީވުޑްގައި ހުރި އެންމެ ކުޅަދާނަ އަދި އެންމެ ހުނަރުވެެރި އެކްޓަރުންގެ ތެރޭގައި ގުނާލެވޭ އެކްޓަރެކެވެ. އިންޑިޔާ ނޫހަކަށް ދިން އިންޓަވިއު އެއްގައި ރާޖްކުމާރު ބުނީ ބައެއް ފަހަރަށް ރައްޓެހިން އައިސް ދައްކާ ވާހަކަތަކުން ޖަޒުބާތުގައި ޖެހިގެން މުޅީން ހިލޭ ފިލްމު ކުޅެދެވޭ ކަމަށެވެ. ނަމަވެސް ދެން އިތުރަށް އެގޮތަށް ކަންތައް ކުރާކަށް އޭނާ ގަސްދެއް ނުކުރެ އެވެ.
ރާޖް އިތުރަށް ބުނީ ހިލޭ ކުޅެދޭ ފިލްމް ތަކުގައި މާމޮޅަށް އެކްޓު ނުކުރެވޭ ކަމަށެއެވެ. އަދި އެކަމުގެ ސަބަބުން އޭނާގެ އެކްޓިންނަށް އެކަމުގެ އަސަރު ކުރާ ކަަމަށްވެސް ވަނީ ބުނެފައިއެވެ. ރައްޓެހި ބުނުމުން ނުކުޅެ ދޫކޮށްލަން ނުކެރޭ ކަމަށާއި އެހެން ކަމުން އެމީހުންގެ އާދޭސްތަކުގައި ކޮޅުފައިން ޖަހާނެ ހިތްވަރު އޭނާގެ ނުހުރުމުގެ ސަބަބުން އޭނާ ފިލްމް ކުޅެދެނީ ކަމަށް ވަނި ބުނެފައިއެވެ. ނަމަވެސް މިހާރު އެދުވަސް މާޒީވެއްޖެ ކަމަށާއި ދެން އެގޮތަށް ފިލްމް ކުޅެނުދޭނެ ކަމަށް އޭނާ ވަނީ ބުނެފައިއެވެ.
ރާޖްކުމާރުގެ ފިލްމީ ކެރިއަރަށް ބަލާއިރު އޭނާ ދެން އެންމެ އަވަހަށް ރިލީޒްކުރަން ހަމަޖެހިފައިވަނީ ޖާންވީ ކަޕޫރާއެކު ކުޅޭ "މިސްޓަ އެންޑް މިސިޒް މާހީ" އެވެ.
ކޮމެންޓު ފޮނުވާ