ބޮލީވުޑްގެ މަޝްހޫރު އެކްޓަރު ޝާހިދު ކަޕޫރުގެ އަލަތު ވެބް ސީރީޒް "ފަރްޒީ"ގެ ޓީޒާއެއް މީގެ ދެދުވަހެއް ކުރިން އާންމު ކުރުމަށް ފަހު އެ ވެބްސީރީޒް ޕްރިމިއާ ކުރާ ދުވަސް އިއުލާން ކޮށްފިއެވެ.
މިދިއަ އަހަރުގައި ޝޫޓިން ނިންމާލި މި ވެބް ސީރީޒް ގެނެސްދޭން ހަމަޖެހިފައިވަނީ އެމެޒޯން ޕްރައިމް ވީޑިއޯ އިންނެވެ. މީގައި ކިޔައިދޭނީ އާދައިގެ ކުރެހުންތެރިޔަކު ކުށުގެ ވެއްޓަށް ހުށަހެޅި އެކަމުގެ ތެރޭގައި އޭނާއަށް ކުރިމަތިލާން ޖެހޭ ކަންކަމެވެ. މި ވެބް ސީރީޒް ޕްރީމިއާކުރާނީ އަންނަ މަހުގެ 10 ގަ އެވެ.
"ފަރްޒީ" އަކީ ވަރުން ދަވަނާ އެކީ "ސިޓަޑެލް އިންޑިއާ" ހަދަން ތައްޔާރީތައް ވަމުން އަންނަ ދެ ޑައިރެކްޓަރުން ކަމަށްވާ ރާޖް އެންޑް ޑީކޭ ޑައިރެކްޓްކޮށްފައިވާ އެއްޗެކެވެ.
"ފަރުޒީ" ގެ ކާސްޓްގައި ރާޝީ ކަންނާ އާއި ވިޖޭ ސެތުޕަތީގެ އިތުރުން ކޭކޭ މެނަން، ޒާކިރު ހުސައިން އަދި ކުބްރާ ސައިތު ހިމެނެއެވެ.
ކޮމެންޓު ފޮނުވާ