އިދިކޮޅު ލިޑަރު އަދި ރިޔާސީ ކެންޑިޑޭޓު ރައީސް ޔާމީނަށް ޙުކުމްކުރި ޝަރިޢަތުގެ އަޑުއެހުމުގެ ވީޑިއޯ ކްރިމިނަލް ކޯޓުގެ ޔޫޓިއުބު އެކައުންޓުން ރިމޯވްކޮށްލައިފިއެވެ.
ކްރިމިނަލް ކޯޓުގެ ޔޫޓިއުބު އެކައުންޓުގައި މިހާރު އެވީޑިއޯ ފެންނާކަށް ނެތެވެ. އެހެންނަމަވެސް ވީޑިއޯ ރިމޫވްކޮށްލީ ކީއްވެގެންކަމެއް ކޯޓުން ހާމައެއް ނުކުރެއެވެ. އިއްޔެގެ އަޑުއެހުމުގެ ވިޑިއޯ އެކޯޓުގެ ޔޫޓިއުބު އެކައުންޓުން ރިމޫވްކޮށްފައި ވިޔަސް ކުރީގެ އެހެން ބައެއް އަޑުއެހުންތަކުގެ ވިޑިއޯ އެބަހުއްޓެވެ. ކޯޓުގެ ހުރިހާ ޝަރީޢަތުގ އަޑުއެހުމެއް ލައިވެއް ނުކުރެއެވެ. އެހެންނަމަވެސް ލައިވްކުރާ އަޑުއެހުންތަކުގެ ވިޑިއޯ ފަހުންވެސް ޢާންމުކޮށް ފެންނަން ހުރެއެވެ.
ރައީސް ޔާމީންގެ ޝަރީޢަތް ކުރިއަށް ގެންދިއުމުގައާއި އެއާ ގުޅިގެން ކޯޓުން އެކިކަންކަމުގައި ޢަމަލުކުރި ގޮތްތަކާމެދު އެމަނިކުފާނުގެ ވަކީލުން އަންނަނީ ކަންބޮޑުވުން ފާޅުކުރަމުންނެވެ. ކްރިމިނަލް ކޯޓުގެ ޙުކުމާ ގުޅޭ ރަސްމީ ލިޔެކިއުންތައް އަދިވެސް ނުލިބޭކަމަށް ވަކީލުން ވިދާޅުވެއެވެ. އަދި އޭގެ ސަބަބުން އިސްތިއުނާފުގެ މަސައްކަތް ލަސްވާކަމަށާ، އެމަސައްކަތް ނުކުރެވި މަސައްކަތް ހުއްޓިފައިވާކަމަށް ވަކީލުން ބުނެއެވެ.
One Response
ރައްބުލް ކާއިނާތުގެ ހާރޑު ޑިސްކު އެއަައްވުރެ ފުރިހަމަވެފާ މަތިވެރިވާނެ ކޮރަޕްޓް ފާސިޤުން ހިންގާ ހުރިހާ ޖަރީމާއެއްް ބައްލަވާ ވޮޑިގެންވޭ މުއްދަތު ޖެހުމުން ނުބައި ހިއްޕެވުމަކުން ހިއްޕަވާނެ އިންޝާ ﷲ..