އިނގިރޭސި ބޮޑުވަޒީރު ރިޝީ ސުނަކް ލެޓްވިއާއަށް ކުރައްވާ ދަތުރުފުޅުގައި، ޔޫކުރެއިންއަށް 304 މިލިއަަން އެމެރިކާ ޑޮލަރުގެ ހަތިޔާރުގެ އެހީ ފޯރުކޮށްދޭނެކަން އިއުލާން ކުރުމަށް ހަމަޖެހިއްޖެއެވެ.
ސުނަކް ލެޓްވިއާއަށް ކުރައްވާ ޒިޔާރަތަކީ، ރަޝިއާއިން ބޯލްޓިލް އަދި ނޯޑިކް ސަރަހައްދުގައި ހިންގަމުންދާ އުދުވާންއާއި ގުޅޭގޮތުން ޖޮއިންޓް އެކްސްޕެޑިޝަނަރީ ފޯރސް (JEF)ގެ މެމްބަރުންނާއެކު މަޝްވަރާ ކުރުމަށް ކުރައްވާ ދަތުރުފުޅެކެވެ.
އިގިރޭސި ބޮޑުވަޒީރުގެ ރަސްމީ އޮފީހުން ނެރުނު ބަޔާނެއްގައި ބުނެފައިވަނީ ސުނަކްގެ މިދަތުރުފުޅުގައި، 2023 ވަނަ އަހަރު ޔޫކުރެއިންއަށް ބޭނުންވާނެ މުހިންމު އާޓިލަރީ އެމިއުނިޝަން ހުސްނުވެ ލިބޭނަކަން ޔަގީން ކޮށްދިނުމުގެ ގޮތުން އެކުލަވާލެވިފައިވާ ކޮންޓްރެކްޓާ އެއްގޮތަށް، 304 މިލިއަން ޑޮލަރުގެ، އެތައްހާސް ރައުންޑެއްގެ އާޓިލަރި އެމިއުނިޝަން ސަޕްލައި ކޮށްދޭނެކަން ސުނަކް އިއުލާން ކުރައްވާނެއެވެ.
މިބަޔާނުގައި ބުނެފައިވާ ގޮތުން އިނގިރޭސިވިލާތުން ޔޫކުރެއިންއަށް ދިފާއުވުމަށް ބޭނުންވާ އެހީތެރިކަން ފޯރުކޮށް ދިނުމުގެ ގޮތުން މަލްޓިޕްލް ލޯންޗު ރޮކެޓް ސިސްޓަމްތަކުގެ އިތުރުން 125 އެންޓި އެއަރކްރާފް ހަތިޔާރުވެސް ސަޕްލައި ކޮށްދީފައިވާކަމެށެވެ.
ފެބްރުއަރީ މަހުގެ ފަހުން އަހަރެމެން ވާނީ 100،000 ރައުންޑުގެ އެމިއުނިޝަން ފޯރުކޮށް ދީފައެވެ.
އިނގިރޭސި ބޮޑުވަޒީރުގެ އޮފީހުން ނެރުނު ބަޔާކނުގައި ބުނެފައިވެއެވެ.
