ރޭ ނިމުން ވޯލްޑް ކަޕްގެ ނިންމުމުގެ ރަސްމިއްޔާތުގައި ވޯލްޑްކަޕްގެ ތަށި ދައްކާލުމުގެ ޝަރަފު ލިބިގެންދިއަ ދީޕިކާ ޕަދުކޯން، ތަށި ދައްކާލުމަށް ލައިގެން ހުރި ހެދުމަށް ފާޑުކިއުން އަމާޒު ވެއްޖެއެވެ. އިނޑިއާއިން މި ތަށި ދައްކާލުމުގެ ޝަރަފު ލިބުނު ހަމައެކަނި މީހަކީ ދީޕިކާއެވެ.
އިންޓަނެޓްގައި ހިޔާލު ފާޅުކުރި ގިނަ މީހުން ބުނެފައިވަނީ ދީޕިކާ ލައިފައި ހުރި ހެދުމަކީ ފެޝަނަށްވެސް ހުތުރު އަދި ދީޕިކާ އާއި ވެސް ވަރަށް ނުގުޅޭ ވަރަށް ވެސް ހުތުރު ހެދުމެއް ކަމަށެވެ. އަދި އެއަށް ވުރެ ފުރިހަމަ ހެދުމެއް މިފަދަ ޝަރަފެއް ދޭއިރުގައި ލެވެން ޖެހޭނެ ކަމަށް އެމީހުން ބުނެފައިއެވެ.
އެއްވެސް ގޮތަކަށް ފެޝަން އަށް ނުފެތޭ އަދި އަމުދުން ދީޕިކާ އާއި ވެސް ނުގުޅޭ މިހެދުން އޭނާ ލައިފައި ހުރި އިރުގައި މިހާ މާ ބޮޑުކަމަށް ދައްކާ ކަމަށާއި ހެދުމުގެ ހުތުރު ކަމުން މޭކަޕްވެސް ކަމުނުދާކަމަށް އެމީހުން ވަނީ ބުނެފައިއެވެ. އަދި އެހެދުން ހީވަނީ ކޮތަޅެއް ހެން ކަމަށްވެސް ބުނެ ގިނަ ބަޔަކު ވަނީ ފާޑު ކިޔައިފައިއެވެ.
ރޭ ގަތަރުގެއި ވޯލްޑް ކަޕްގެ ފައިނަލް މެޗު ކުޅުނު އިރުގައި ވާދަކުރީ އާޖެންޓީނާ އާއި ފްރާންސްއެވެ. މެޗު ކާމިޔާބު ކުރީ އާޖެންޓީނާއިންނެވެ. މެޗު ބަލާލުމަށް ދުނިޔޭގެ އެކި ކަންކޮޅުތަކުން ވަނީ ގިނަ އަދަދެއްގެ ބަޔަކު ގަތަރަށް ގޮސްފައިއެވެ. އޭގެތެރޭގައި އެކި ގައުމުތަކުގެ ގިނަ ސެލެބްރިޓީން ހިމެނެއެވެ.
😍🏆Deepika Padukone unveiled the official FIFA World Cup Qatar 2022™️ Trophy at the Lusail Stadium before the World Cup finals!
📹: AlKass #ILoveQatar #Qatar #Qatar2022 #WorldCupQatar2022 #deepikapadukone @deepikapadukone pic.twitter.com/PVQcMy0F8A— ILoveQatar – Live (@ILQLive) December 18, 2022
ތަށީ ދައްކާލުމަށް ލީ ހެދުން ކަމު ނުގޮސްގެން ގިނަ ބަޔަކު އެވާހަކަ ދައްކާއިރުގައި އެންމެ ފަހުން އޭނާ ފެނިގެން ދިއަ "ޕަޓާން" ގެ ލަވަ "ބޭޝަރަމް ރަންގް" ގައި އޭނާ ބޭނުން ކުރި ނިވާކަން ކުޑަހެދުން ތަކުގެ ސަބަބުން ވަނީ ވަރަށް ބޮޑަށް ނުރުހުން ފާޅު ކޮށްފައިއެވެ. ދީޕިކާ އާއި ޝާހުރުކް ހާން ފެނިގެންދާ މި ފިލްމް އަންނަ ޖެނުއަރީ މަހުގެ 25 ގައި ސިނަމާތަކަށް އަންނާނެއެވެ.
ކޮމެންޓު ފޮނުވާ