ބޮލީވުޑްގެ ލެޖެންޑް އަމިތާބް ބައްޗަންގެ ކާފަ ދަރިފުޅު އަގަސްޓިއާ ނަންދާ ދެވަނަ ފިލްމްއެއްގެ މަސައްކަތް ފަށައިފިއެވެ. އޭނާގެ އަލަތު ފިލްމް ރިލީޒް ނުވެ އުޅެނިކޮން ދެވަނަ ފިލްމްގެ މަސައްކަތް ފަށާފައިވާ އިރުގައި އެ ފިލްމް އަކި ބަޔޮޕިކްއެވެ.
މި ފިލްމަކީ ޕްރޮޑިއުސަރު ދިނޭޝް ވިޖަންގެ މެޑޮކް ފިލްމްސް އަށް ޑައިރެކްޓަރު ސްރީރާމް ރާގްވަން ޑައިރެޓްކުރަން ހަމަޖެހިފައިވާ ތާރީހީ ބައޮގްރަފިކަލް ޑްރާމާ "އެއްކީސް" އެވެ. މި ފިލްމް ގައި އަގަސްޓިއާ އާއި އެކުގައި ކުރީގެ މަގުބޫލު އެކްޓަރު ދަރުމެންދުރާވެސް ފެނިގެންދާނެއެވެ. މި ފިލްމު އެންމެ ފުރަތަމަ 2019 ގައި އިއުލާންކުރީ ވަރުން ދަވަން ޓައިޓްލް ރޯލު ކުޅޭ ގޮތަށެވެ.
View this post on Instagram
"އެއްކީސް" އަކީ 21 އަހަރުގެ ހަނގުރާމައިގެ ބަތަލައެއްގެ ވާހަކަ ކިޔައިދޭ ފިލްމެއެކެވެ. ވަރުން ފިލްމް ދޫކޮށްލި އެންމެ ބޮޑު ސަބަބަކީވެސް އެއީއެވެ. ފިލްމު ނުހެދި ދިގުލައިގެން ދިއުމާއި އެނާ އަށް މިހާރު 35 އަހަރުވެފައި ވުމުން 21 އަހަރުގެ މީހެއްގެ ރޯލު ކުޅެން ބޭނުން ނުވުމެވެ.
ދަރޭ އަގަސްޓިއާ އެކުގައި ފިލްމް އެއް ކުޅޭއިރު، އޭނާގެ ކާފަ އަމީތާބާއެކީ ދަރޭ ވަނީ ހިންދީ ސިނަމާގެ އެންމެ އައިކޮނިކް އެއް ފިލްމު ކަމަށްވާ "ޝޯލޭ" ގައި މަސައްކަތް ކޮށްފައެވެ.
"އެއްކީސް" ގެ ޝޫޓިން އަންނަ އަހަރުގެ ކުރީކޮޅު ފަށާނެ އެވެ. "އަންދާދުން" އާއި "ބަދުލާޕޫރް" ފަދަ ކާމިޔާބު ފިލްމުތައް ގެނެސްދިން ޑައިރެކްޓަރު ސްރީރާމް ގެނެސްދޭ މި ފިލްމްގެ ޝޫޓިން ފަށާނީ އޭނާ މިހާރު ޑައިރެކްޓް ކުރަމުން އަންނަ ފިލްމް ""މެރީ ކްރިސްމަސް" ނިމުނީމައެވެ. އެފިލްމުން ފެނިގެންދާނީ ކެޓްރީނާ ކައިފް އާއި ސައުތުގެ މަޝްހޫރު އެކްތަރު ވިޖޭ ސެތުޕަތީއެވެ.
View this post on Instagram
އަގަސްޓިއާ ބޮލީވުޑަށް ތައާރަފް ކުރަނީ ޑައިރެކްޓަރު ޒޯޔާ އަހަތަރް ގެ "ދަ އާޗީ" އިންނެވެ. އޭނާ ބޮލީވުޑަށް ނުކުންނަ ފިލްމްގެ ޝޫޓިން މިހާރު ވަނީ ނިމިފައިއެވެ. އަންނަ އަހަރު ފިލްމް ރިލީޒް ކުރާއިރު މި ފިލްމުން ސްޓާކިޑުން ތަކެއް ފެންނާނެއެވެ. އޭގެ ތެރޭގައި ޝާހުރުކް ޚާންގެ އަންހެން ދަރިފުޅު ސުހާނާ ޚާނާއި، ސްރީދޭވީގެ ހަގު ދަރިފުޅު ޚުޝީ ކަޕޫރު ފާހަގަ ކޮށްލެވެއެވެ.
