ރާއްޖޭގައި އެޗްއައިވީ ނުވަތަ އެއިޑްސް ޖެހިފައިވާ މީހުންގެ ޢަދަދު މަދު ނަމަވެސް ގިނަބަޔަކަށް އެބަލު ޖެހުމުގެ ފުރުސަތު ރާއްޖޭގައި ބޮޑުކަމަށް ހެލްތު މިނިސްޓަރ އަޙްމަދު ނަސީމް ވިދާޅުވެއްޖެއެވެ.
މިނިސްޓަރ ނަސީމް މިހެން ވިދާޅުވީ ދުނިޔޭގެ އެއިޑްސް ދުވަސް ރާއްޖޭގައި ރަސްމީކޮށް ފާހަގަ ކުރުމުގެ ގޮތުން ގއ. ވިލިނގިލީގައި ބޭއްވި ރަސްމިއްޔާތުގައި ވާހަކަފުޅުދައްކަވަމުންނެވެ. މިރަސްމިއްޔާތު އޮތީ އިއްޔެ ހަވީރުއެވެ.
މިރަސްމިއްޔާތުގައި މިނިސްޓަރ ނަސީމް ވިދާޅުވީ ރާއްޖޭގައި އެޗް.އައި.ވީ ޖެހިފައިވާ މީހުންގެ އަދަދު މަދު ނަމަވެސް ގިނަބަޔަކަށް މި ބަލި ޖެހުމުގެ ފުރުސަތު ބޮޑު ކަމަށް ބެލެވޭ ކަންކަން، ރާއްޖޭގައި ކުރެވިފައިވާ ދިރާސާތަކުން ފެންނަން އެބަހުރިކަމަށެވެ. އެޗް.އައި.ވީ އާއި ދާދި އެއްގޮތަށް ފެތުރޭ އެހެން ބަލިތައްވެސް ރާއްޖެއިން ފެންނަމުންދާކަން މިނިސްޓަރ ފާހަގަކުރެއްވިއެވެ. އެހެންކަމުން ދުނިޔޭގެ ކުރިއަރާފައިވާ ޤައުމުތަކެކޭ އެއްފަދައިން ރާއްޖޭގައިވެސް އިއްޔެ ލޯންޗްކުރި، އެޗް.އައި.ވީ ހެޕަޓައިޓިސް އަދި ޖިންސީ ގުޅުމުން ފެތުރޭ އެހެނިހެން ބަލިތައް ހިމެނޭގޮތަށް ކޮމްބައިންޑް ނޭޝަނަލް ސްޓްރެޖިކް ޕްލޭނުގެ މުހިންމުކަން މިނިސްޓަރ ފާހަގަކުރެއްވިއެވެ. ރާއްޖޭގައިވެސް ކުރިޔަށް އޮތްތާގައި މަސައްކަތް ކުރެވޭނީ މި ތިން ބަލި ހިމެނޭގޮތަށް ބަލިން ރައްކާތެރި ކުރުމާއި، ބަލި ދެނެގަތުމާއި ބަލި ޖެހޭ މީހުންގެ ފަރުވާގެ ކަންކަން ހަޖެއްސުމަށްކަމަށް މިނިސްޓަރ ވިދާޅުވިއެވެ.
ކޮމެންޓު ފޮނުވާ