ބޮލީވުޑްގެ ޒުވާން ބަތަލާ ކްރިތީ ސެނޮން އަކީ ވަރަށް ގަދައަށް ވިސްނާ ތަރިއެއް ކަމަށް ކާތިކް އާރިޔާން ބުނެފިއެވެ.
ކްރިތީ އާއި ކާތިކް އެކުގައިވަނީ 2 ފިލްމެއް ކުޅެފައެވެ. ކްރިތީ އަކީ ޝޫޓިންގައި ވެސް އަދި ސެޓުގައިވެސް ވަރަށް ވިސްނާ މީހެއް ކަމަށާއި، ހުރިހާ ކަމެއް ކުރަން ވެސް އޭނާ ވިސްނާކަމަށް ކާތިކް ވަނީ ބުނެފައެވެ.
އެދެމީހުން އެކުގައި 2019 ވަނަ އަހަރު ކުޅުނު ފިލްމު "ލުއްކާ ޗުޕީ" އަކީ ރޮމޭންޓިކް ކޮމެޑީއެކެވެ. އެއީ ދެތަރިން އެކުގައި ކުޅުނު ފުރަތަމަ ފިލްމެވެ. ދެވަނަ ފިލްމު އަދި އޮތީ ރިލީޒް ވުމުގެ މަގުމަތީގައެވެ. އެއީ އަންނަ އަހަރުގެ ފެބުރުވަރީ 10 ވަނަ ދުވަހަށް ރިލީޒް ކުރުމަށް ތާވަލް ކޮށްފައިވާ "ޝެހެޒާދާ" އެވެ.
މި ފިލްމަކީ ދެތަރިންގެ ޖޯޑު އެކުގައި ފެނިގެންދާ ދެވަނަ ފިލްމެވެ. ފިލްމުގެ ހުރިހާ ކަމެއް ނިމި މިހާރު ޓްރެއިލާ ވެސް ދައްކާލައިފާ ވާއިރު ކާތިކްގެ ފޭނުން ތިބީ މި ފިލްމުގެ އިންތިޒާރުގައެވެ.
Jab baat FAMILY pe aaye toh discussion nahi karte..ACTION karte hain !!
A Birthday Gift from your #Shehzada 👑#RohitDhawan @KritiSanon @MKoirala @SirPareshRawal @RonitBoseRoy @SachinSKhedekar @iPritamOfficial #BhushanKumar #KrishanKumar #AlluAravind @theamangill pic.twitter.com/q7hljuU3cw— Kartik Aaryan (@TheAaryanKartik) November 22, 2022
މި ފިލްމަކީ ކުރިން މިމަހު ރިލީޒް ކުރުމަށް ތާވަލް ކޮށްފައި އޮތް ފިލްމެކެވެ. ފިލްމަކީ އެކްޓަރު ވަރުން ދަވަންގެ ބޭބެ ރޯހިތު ދަވަންގެ ތިން ވަނަ ޑައިރެކްޝަނެވެ. ދެހާސް އެގާރައިގެ "ދޭސީ ބޯއިސް" އިން ޑައިރެކްޝަނަށް ނުކުތް ރޯހިތު އެންމެ ފަހުން ގެނެސްދިނީ ވަރުން އާއި ޖޯން އަބްރަހަމް ކުޅުނު 2016ގެ "ޑިޝޫމް" އެވެ.
