ޗައިނާގެ ކުރީގެ ރައީސް ޖިއާން ޒެމިން އުމުރުން 96 އަހަރުގައި އަވަހާރަ ވެއްޖެކަން ޗައިނާގެ ގައުމީ ޓީވީން ހާމަ ކޮށްފިއެވެ.
ޖިއާން އަވަހާރަ ވެފައިވަނީ ބުދަ ދުވަހު، ލިއުކީމިއާގެ އާލަސްކަންފުޅުގައި އޯގަންތައް ފެއިލް ވުމުގެ ސަބަބުންނެވެ. ޗައިނާގެ ރަސްމީ ނޫސް އޭޖެންސީ ޒިންހުއާ ނިއުސް އޭޖެންސީން ރިޕޯޓު ކޮށްފައިވާ ގޮތުގައި އޭނާ އަވަހާރަ ވެފައިވަނީ ޗައިނާގެ ޝަންހާއީ ސިޓީގައެވެ.
ޖިއާން އަވަހާރަ ވުމާއި ގުޅިގެން ޗައިނާގެ ވެރިކަންކުރާ ކޮމިއުނިސްޓް ޕާޓީންނާއި، ގާނޫނުހަދާ މަޖިލީހުންނާއި، ކެބިނެޓުގެ އިތުރުން އަސްކަރިއްޔާއިން ވަނީ ގުޅިފައިވާ ބަޔާނެއްވެސް ނެރުއްވާފައެވެ.
ބަޡަލު ޖިއާން ޒެމިންގެ އަވަހާރަވުމަކީ، އަހަރެމެންގެ އަސްކަރިއްޔާއަށާއި، ޕާޓީއަށާއި، އަދި އެތައް ދަރިކޮޅެއްގެ މައްޗަށް އެކުލެވިގެންވާ މުޅި އާބާދީއަށް ލިބިގެންދިޔަ އަގު ނުކުރެވޭނެ ގެއްލުމެއް.
މިބަޔާނުގައި ވިދާޅުވެފައި ވެއެވެ.
ޖިއާން އަވަހާރަ ވުމާއި ގުޅިގެން ޗައިނާގެ ކޮމިއުނިސްޓް ޕާޓީއާއި، ސަރުކާރުގެ އިމާރާތްތަކުގެ އިތުރުން ދުނިޔޭގެ އެކި ކަންކޮޅުތަކުގައި ހުރި ޗައިނާގެ ހުރިހާ އިމާރާތެއްގައި އެގައުމުގެ ދިދަ ބައި ދަނޑިއަށް ތިރި ކުރުމަށް ވަނީ ހަމަޖެހިފައެވެ.
1993 ވަނަ އަހަރުން ފެށިގެން 2003 ވަނަ އަހަރާއި ހަމައަށް ޗައިނާގެ ރައީސްކަން ކުރެއްވި ޖިއާންގެ ވެރިކަމުގައި ޗައިނާވަނީ ތާރީޚީ ބަދަލުތަކެއް ދެކެފައެވެ. އޭގެ ތެރޭގައި، މާރކެޓް އޮރިއެންޓެޑް އިސްލާހީ ބަދަލުތައް އެގައުމަށް ގެނައުމުގެ އިތުރުން، 1997 ވަނަ އަހަރު ހޮންގ ކޮންގ އިނގިރޭސި އިސްތިއުމާރުން މިނިވްނަ ވުމާއި، 2001 ވަނަ އަހަރު ޗައިނާ ވާރލްޑް ޓްރޭޑް އޯގަނިޒޭޝަންގެ މެމްބަރެއްގެ ގޮތުގައި ހިމެނިގެން ދިއުންވެސް ހިމެނެއެވެ.
