ވަރަށް ތަފާތު ކެރެކްޓަރ އަކުން ވަރުން ދަވަން ފެނިގެންދާ ފިލްްމު "ބޭޅިޔާ" އެންމެ ފަހުގެ ލަވަ "ބަކީ ސަބް ޓީކް" ބެލުންތެރިނަން ދައްކައިލައިފިއެވެ.
3 ރަހުމަތްތެރިން ނަގާ މަޖާ މިލަވައިގައި ފެނިގެންދާއިރުގައި މި ލަވައަކީ ރޯޑް ޓްރިޕް އެއްގެ މައޗަށްް ހަދައިފައިވާ ލަވައެކެވެ. ވަރަށް މަޖާކޮން ވީޑީއޯ ގެެނެސްދީފައިވާ މި ލަވައަކީ އަހާލަން ފަސޭހަ ހިތްގައިމު ލަވައެކެވެ.
އިއްޔެ ރިލީޒް ކުރި މި ލަވަ މިހާރު ވަނީ ވަރަށް ބޮޑަށް ވައިގައި ހިފައިފައިއެވެ. ހޮރޯ ކޮމެޑީ ގެނެސް ދިނުމުގައި އަރާހުރި ޑައިރެކްޓަރު އަމަރް ކޯޝާލްގެ "ބޭޅިޔާ" ރިލީޒް ކުރުމަށް ތާވަލް ކޮށްފައިވަނީ މިމަހުގެ 25 ވާ ހުކުރު ދުވަހަށެވެ. އޭނާ އަކީ 2018ގެ އެންމެ ކާމިޔާބު އެއް ފިލްމު ކަމަށްވާ ހޮރޯ ކޮމެޑީ "ސްތިރީ" ގެނެސްދިން ޑައިރެކްޓަރެވެ. އަމަރު އެންމެ ފަހުން ބެލުންތެރިންނަށް ގެނެސްދިން ފިލްމަކީ 2019ގެ "ބާލާ" އެވެ.
इस कहानी का नाम है #Bhediya!🐺🔥
Presenting the official trailer of India's first creature-comedy, Bhediya!
In cinemas on 25th Nov in 2D & 3D. #BhediyaTrailer pic.twitter.com/HH6c2vIPp2
— Maddockfilms (@MaddockFilms) October 19, 2022
ސަޗިން – ޖިގަރް މިއުޒިކް ހަދައިފައިވާ މިލަވަ ކިޔައިފައި ވަނީ ސަޗިން- ޖިގަރް އަދި އަމިތަބް ބަޓްއަޗާރިއާއެވެ. މި ލަވައިގެ ލިރިކްސް ހަދައިފައިވަނީ އަމިތަބް ބަޓްއަޗާރިއާއެވެ.
ދިނޭޝް ވިޖަން ޕްރޮޑިއުސް ކޮށްފައިވާ މި ފިލްމްގެ ލީޑުން ފެނިގެންދާނީ ވަރުން އާއި އެކުގައި ކްރިތީ ސެނޮންއެވެ. މި ދެތަރިން މީގެކުރިން ވެސް އެކުގައި ފިލްމަކުން ފެނިގެން ގޮސްފައި ވެއެވެ. އެއީ ރޯހިތު ޝެޓީގެ "ދިލްވާލޭ" އެވެ. މި ފިލްމްގެ ކާސްޓުގައި އަބިޝޭކް ބެނަޖީރް، ދީޕަކް ދޮބްރިޔާލް، ޝަރިކް ހާން ހިމެނެއެވެ.
