އިސްލާމިކް މިނިސްޓްރީ ހިސޯރުކޮށްގެން ތިބީ ބަޢާވާތުގެ ބައެއް ކަމަށާއި އެ މިނިސްޓްރީ ހިންގަވަން ތިބީ ކުފުރުގެ ބައެއްކަމަށް ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިބްރާހީމް ރަޝީދު (ބޮންޑޭ) ވިދާޅުވެއްޖެއެވެ.
މިއަދު ރައްޔިތުންގެ މަޖިލިހުގައި ވާހަކަ ދައްކަވަމުން ބޮންޑޭ ވިދާޅުވީ ދާދިފަހުން ބަޖެޓް ކޮމިޓީއަށް އިސްލާމިކް މިނިސްޓްރީގެ ބޭފުޅުން ވަޑައިގެންނެވި ކަމަށެވެ. އޭނާ ވިދާޅުވީ އިސްލާމިކް ޔުނިވަރސީޓީން އުއްމީދު ދިނީ އިސްލާމީ ރަންޒަމާނުގައި ހުރިވަރަށް އެ ޔުނިވަރސިޓީ ކުރިޔަށް ގެންދިއުމަށް ކަމެވެ.
އެހެންނަމަވެސް މިއަދާހަމައަށް އެންމެ ލޯލާރިއެއްވެސް ނުދެއޭ އިސްލާމިކް މިނިސްޓްރީން، ނުދޭ.. ފޯރުކޮށް ނުދޭ އިސްލާމިކް ޔުނިވަރސީޓީއަށް.. އިސްލާމިކް މިނިސްޓްރީން.
އިސްލާމިކް މިނިސްޓްރީން ބަލަހައްޓަވާ ޒަކާތު ފަންޑުން އިސްލާމިކް މިނިސްޓްރީއައެއް އެއްވެސް ފައިސާގެ އެހީއެއް ފޯރުކޮށްދީފައި ނުވާކަމަށް ވިދާޅުވަމުން ބޮންޑޭ ވިދާޅުވިއެވެ. އޭނާ ވިދާޅުވީ، މުދަލުގެ ޒަކާތް ބަހަންޖެހޭ މިންވަރެއް ކީރިތި ގުރުއާނުގައި އަންގަވާފަ އޮންނަ ކަމަށެވެ. އަދި އޭނާ ވިދާޅުވީ 8 ބަޔަށް ބަހަންޖެހޭނެ ކަމަށް އަންގަވާފާ އޮންނަ ކަމަށެވެ.
އިސްލާމިކް މިނިސްޓްރީ ހިސާރުކޮށްގެން މި ތިބެނީ ބަޢާވާތުގެ ބައެއް. ބޮޑު ބަޢާވާތުގެ ބައެއް.. ކުރުފުގެ ބައެއް، އިއްޒަތްތެރި ރައީސް. ހިސާރުކޮށްގެން މި ގައުމީ ޔުނިވަރސީޓީއަށް އެންމެ ލޯ ލާރިއެއްވެސް. ގައުމީ ޔިނިވަރސީޓީން ކޮމިޓިގައި ބުނުއްވީ ތިމަންނަމެންނަށް ދޭން މާ ކުރީގެ އެއްޗެއް އޮތޭ. އުޅެފަވެސް އެވެސް ނުދިނޭ. އެންމެ ލޯލާރިއެއްވެސް، ފައިސާ ނެތިގެންނޭ ތިމަންނަމެންނަށް އިސްލާމީ ތަޢުލީމުވެސް ރަން ޒަމާނުގަ އޮތްވަރަށް ކުރިޔަށް ނުގެންދެވިގެން މިއުޅެނީ.
މަޖިލީހުގައި ވާހަކަ ދައްކަވަމުން ބޮންޑޭ ވިދާޅުވިއެވެ.
އޭނާ ވިދާޅުވެފައިވަނީ އިސްލާމިކް މިނިސްޓްރީން ގާނޫނަކަށްވެސް، ގަވާއިދަކަށްވެސް ކީރިތި ގުރުއާނަށްވެސް، ވަކީބަސްފުޅަކަށްވެސް އަމަލު ނުކުރާކަމަށެވެ.
އެއްކަމަށްވެސް، ގާނޫނަށް، ގަވާއިދެއް، ކިރިތި ގުރުއާނަކަށް، ވަހީ ބަސްފުޅަށް، އެކައްޗަކަށްވެސް އަމަލެއް ނުކުރޭ މިމީހުންނެއް.
މަޖިލިސް ފްލޯގައި ވާހަކަ ދައްކަވަމުން ބޮޑޭ ވިދާޅުވެފައި ވެއެވެ.
