2017 ވަނަ އަހަރުގެ މިސް ވޯލްޑްގެ ތާޖު އެޅި ރީތިގެ ރާނީ އަދި ބޮލީވުޑްގެ ބަތަލާ މަނޫޝީ ޗިލާރު، ވިޔަފާވެރިއަކާ ޑޭޓްކުރަމުން އަންނަ ކަމަށް މުނިފޫހި ފިލުވުމުގެ ހަބަރުތަށް ގެނެސްދޭ ނޫސްތަކުން ރިޕޯޓްކޮށްފިއެވެ.
ރިޕޯޓުތައް ބުނާ ގޮތުގައި "ސަމްރާޖް ޕްރިތްވީރާޖް" އިން އަކްޝޭ ކުމާރާއެކު ބޮލީވުޑަށް ތަޢާރަފުވި މަނޫޝީ މިހާރު ރައްޓެހިވެގެން އުޅެނީ ވިޔަފާރިވެރިއެއް ކަމަށްވާ އިންޑިއާގެ ބެންގަލޫރުގައި ދިރިއުޅޭ ނިކިލް ކަމަތް އާއެވެ.
View this post on Instagram
މީޑިއާތަކުން ބުނި ގޮތުގައި މި ދެ މީހުން ރައްޓެހިވީ މިދިޔަ އަހަރުގެ ތެރޭގަ އެވެ. އަދި އެކީގައި މިހާތަނަށް އެކި ގައުމުތަކަށް ޒިޔާރަތްކޮށްފައިވާ ކަމަށާއި މަނޫޝީ އާއި ނިކިލްގެ ގުޅުން ވަރަށް ސީރިއަސް ކަމަށް ވެސް އިންޑިއާގެ މީޑިއާތަކުން ބުނެ އެވެ. ދެމީހުންގެ ގުޅުން ވަރަށް ސިއްރުން ކުރިއަށް ގެންދިޔަ ނަމަވެސް ދެމީހުން އެކުގައި ތަންތަނަށް ދާތަން ވަނީ ފެނިފައެވެ. އަދި ދެމީހުންގެ ގުޅުމުގެ ވާހަކަ ދައްކާކަށް އެކަކުވެސް އަދި ބޭނުން ނުވާ ކަމަށް ރިޕޯޓުތައް ބުނެއެވެ.
މަނޫޝީއާއެކު ނިކިލް މިހާރު އުޅޭއިރު އޭނާ ވަނީ މީގެކުރިން ކައިވެންޏެއްވެސް ކޮށްފައެވެ. އަމަންޑާ ޕްރޫވަންކަރާ ކިޔާ މީހަކާއި 2019 ވަނަ އަހަރު ނިކިލް ވަނީ އިޓަލީގައި ކައިވެނިކޮށްފައެވެ. ނަމަވެސް މި ކައިވެނި ވަނީ 2021 ވަނަ އަހަރު ރޫޅިފައެވެ. 25 އަހަރުގެ މަނޫޝީ އާއި ނިކިލް، 35، މިހާރު އުޅެނީ "ލިވް-އިން" ރިލޭޝަންޝިޕެއްގައި ކަމަށްވެ އެވެ.
View this post on Instagram
މަނޫޝީ މިހާރު އަންނަނީ ޖޯން އަބްރަހަމާ އެކީ "ތެހެރާން" ކިޔާ އެކްޝަން ތުރިލާއެއްގެ މަސައްކަތްކުރަމުންނެވެ. މެޑޮކް ފިލްމްސް އާއި ބޭކް މައި ކޭކް ފިލްމްސް ގުޅިގެން ޕްރޮޑިއުސްކުރާ މި ފިލްމު ރިލީޒްކުރަން ތާވަލުކޮށްފައި ވަނީ އަންނަ އަހަރުގެ ޖެނުއަރީ މަހު 26 ގައެވެ. އޭނަ ވަނީ ވިކީ ކޯޝަލާ އެކީ ޔާޝްރާޖް ފިލްމްސް (ވައިއާރްއެފް) ގެ "ދަ ގްރޭޓް އިންޑިއަން ފެމިލީ" ވެސް ކުޅެފައިއެވެ. ނަމަވެސް މި ފިލްމްއަކީ އަދި ރިލީޒް ކުރާ ތާރީހް އިއުލާން ކޮށްފައިވާ ފިލްމްއެއް ނޫނެވެ.
