ރާއްޖޭގެ ހައިކޯޓުގެ ތަރިޚުގައި ފުރަތަމަ ފަހަރަށް ހުސް އަންހެނުންގެ މައްޗަށް އެކުލެވޭ ބެންޗަކުން ޝަރީޢަތެއް ހިންގައިފިއެވެ.
ހައިކޯޓުގެ މީޑިއާ އޮފިސަރ އަމީން ފައިސަލްވަނީ މިކަން ފާހަގަކުރައްވައި ޓްވީޓެއް ކުރައްވާފައެވެ. އޭނާ ވިދާޅުވެފައިވަނީ ހައިކޯޓުގެ ތާރީޚުގައި ފުރަތަމަ ފަހަރަށް، 3 އަންހެން ފަނޑިޔާރުންގެ މައްޗަށް އެކުލެވޭ ބެންޗަކުން މިއަދުވަނީ ޝަރީއަތެއް ހިންގާފައި ކަމަށެވެ. މި ބެންޗުގައި ހިމެނިވަޑައިގަންނަވަނީ އަލްއުސްތާޛާ ފާޠިމަތު ފަރުހީޒާ، އަލްއުސްތާޛާ ޙުޒައިފާ މުޙައްމަދު އަދި އަލްއުސްތާޛާ ދީބާނާޒް ފަހުމީއެވެ.
ހައިކޯޓުގެ ތާރީޚުގައި ފުރަތަމަ ފަހަރަށް، 3 އަންހެން ފަނޑިޔާރުންގެ މައްޗަށް އެކުލެވޭ ބެންޗަކުން މިއަދުވަނީ ޝަރީއަތެއް ހިންގާފައެވެ. މި ބެންޗުގައި ހިމެނިވަޑައިގަންނަވަނީ އަލްއުސްތާޛާ ފާޠިމަތު ފަރުހީޒާ، އަލްއުސްތާޛާ ޙުޒައިފާ މުޙައްމަދު އަދި އަލްއުސްތާޛާ ދީބާނާޒް ފަހުމީއެވެ. pic.twitter.com/qjDW7gm1eY
— Ameen Faisal, Information Officer (High Court) (@HighCourtMedia) November 16, 2022
ޤާނޫނު ނަންބަރު 22/2010 (ދިވެހިރާއްޖޭގެ ކޯޓުތަކުގެ ޤާނޫނު) ގެ 27 ވަނަ މާއްދާގެ ދަށުން ހައިކޯޓު އެކުލެވިގެންވަނީ އިސްފަނޑިޔާރާއި އެކު ޖުމްލަ 11 ފަނޑިޔާރުންގެ މައްޗަށެވެ. އޭގެތެރެއިން މިވަގުތު އެކޯޓުގެ ފަނޑިޔާރުންގެ ގޮތުގައި ތިއްބެވި 11 ބޭފުޅުންގެތެރޭގައި ހިމެނެނީވެސް މި ތިން އަންހެން ފަނޑިޔާރުންނެވެ. ހައިކޯޓުގެ ބެންޗުގައި ހެނިވަޑައިގަތް ފުރަތަމަ އަންހެން ފަނޑިޔާރަކީ ޑރ. އަޒްމިރަލްދާ ޒާހިރެވެ.
