ސިލްސިލާ ޑްރާމާ ތަކުން މަގުބޫލުކަން ހޯދައިފައިވާ އިންޑިއާގެ މަޝްހޫރު ޓީވީ އެކްޓަރު ސިދާންތު ވީރް ސޫރިއަވަންޝީ ހާޓްއެޓޭކެއް ޖެހިގެން މަރުވެއްޖެއެވެ.
މީޑީއާ ތަކުން މައުލޫމާތު ދޭ ގޮތުގައި ސިދާންތު މަރުވީ ޖިމްގައި ކަސްރަތުކުރަން އުޅެނިކޮށް އިއްޔެއެވެ. ސިދާންތުގެ މަރާއި އެކުގައި ގިނަ ބަޔަކު އަންނަނީ ހިތާމަ ފާޅު ކުރަމުނެވެ.
ސިދާންތު އެންމެ ފަހުން ފެނިފައި ވަނީ ޑަންގަލް ޓީވީ ގެނެސްދިން ސިލްސިލާ "ކޯޓް ރޫމް" އިންނެވެ. އޭނަ ކުޅުނު ސިލްސިލާތަކުގެ ތެރޭގައި ޒީޓީވީގެ "ކިޔު ރިޝްތޯ މޭ ކައްޓީ ބައްޓީ"، "ސޫފިޔާނާ ޕިޔާރު މޭރާ"، ފަދަ ކާމިޔާބު ޑްރާމާތައް ހިމެނެއެވެ.
46 އަހަރުގެ އެކްޓަރު އެންމެ ފަހުން ފެނިފައި ވަނީ ޑަންގަލް ޓީވީ ގެނެސްދިން ސިލްސިލާ "ކޯޓް ރޫމް" އިންނެވެ.
View this post on Instagram
ހާޓް އެޓޭކް ޖެހިގެން މަރުވާ ތަރިންގެ އަދަދު މިހާރަކަށް އައިސް އަންނަނީ ވަރަށް ބޮޑުތަނުން އިތުރު ވަމުންނެވެ. މިފަހުން ވަނީ އިންޑިއާގެ މަޝްހޫރު ކޮމޭޑީއަން ރާޖޫ ސްރިވަސްތަވް ވެސް ޖިމްގައި ކަސްރަތު ކުރަން ހުއްޓާ ހާޓް އެޓޭކެއް ޖެހިގެން މަރުވެފައެވެ.
