ގައުމުގެ އާބާދީގެ ބޮޑުބަޔަކީ ޒުވާނުންކަމަށް ވާއިރު، ބައެއް ޒުވާނުން ދީނާއި ދުރުވެ، ރިވެތި އަޚުލާގީ ސިފަތަކާ ދުރުހެލިވުމަކީ ހިތާމަހުރި ކަމެއްކަމުގައި މިއަދުގެ ހުކުރު ޚުތުބާގައި ވިދާޅުވެއްޖެއެވެ.

ޒުވާނުން މިފަދަ ދަށު ދަރަޖައަށް ވެއްޓުމުގެ ސަބަބަކީ ކޮބައިތޯ ސުވާލު ކުރައްވަމުން ޚިތުބާގައި ވިދާޅުވެފައިވަނީ މިކަންކަމާ ސުވާލުކުރެވޭ ބަޔަކު ވާނެކަމަށާއި، އަދި ޒިންމާ ނަގަންޖެހޭނެ ބަޔަކުވެސް ވާނެކަމަކީ ޝައްކެއް އޮތްކަމެއް ނޫންކަމުގައެވެ.

މިގޮތުން، ގެއާއި ސްކޫލު މަދަރުސާތަކުގެ ވެއްޓަކީވެސް ދަރިވަރުންގެ އީމާންކަމާއި، އަގީދާ ހަރުދަނާކޮށް ވަރުގަދަ ކުރުމަށް ބާރުއަޅާ ތަންތަން ވާންޖެހޭނެކަން ބަޔާން ކުރަމުން، ދަރިންގެ ތައުލީމާއި ތަރުބިއްޔަތުގައި ގެއާއި މަދަރުސާގެ ހިއްސާ ބޮޑު ކަމުގައި މިއަދު ހުކުރު ޚުޡުބާގައި ވިދާޅުވެފައި ވެއެވެ.

"އީމާންކަން ހަރުދަނާ ކުރުން" މި މައުޟޫއަށް ޚާއްސަ ކުރެވިގެންދިޔަ މިއަދު ހުކުރު ޚުޡުބާގައި ވިދާޅުވި ގޮތުގައި، ދަރީން ނަމޫނާއަކަށް ބަލާނީ މައިންބަފައިންނާއި މުދައްރިސުންނެވެ. މިގޮތުން އެމީހުންގެ އަމަލުތައް އީމާންކަމުން ޒީނަތްތެރި ނުވާނަމަ، ނުވަތަ އެއީ އަޚުލާގު ނުބައި ބަޔަކަށް ވެއްޖެނަމަ، ދަރިންގެ ތަރުބިއްޔަތަށް އޭގެ ނުބައި އަސަރު ކުރާނެ ކަމަށާއި، ދަރިންނަށް މާތްاللهގެ އެއްކައުވަންތަކަމާއި، އެކަނލާގެ ގުދުރަތްތެރިކަމާއި، ކުޅަދުންވަންތަކަމުގެ ވާހަކަތައް ތުއްތު އިރުއްސުރެ ކިޔައިދޭންޖެހޭ ކަމުގައި ޚުޡުބާގައި ވިދާޅުވެފައި ވެއެވެ.

ގައުމުގެ ތަޢުލީމީ ފަލްސަފާއާއި، ގައުމީ މަންހަޖު ހަރުދަނާކޮސް، ޅަދަރީންގެ ހިތްތަކުގައި ދީނީ އީމާންކަން ހަރުދަނާ ކުރެވޭނެ ގޮތްތަކެއް މައްޗަށް ބިނާކޮށް، އެ މަންހަޖު ތަންފީޒު ކުރެވޭނެ ގޮތްތަކެއް ރާވަންޖެހެއެވެ. އެކުދިންގެ ހިތްތަކުގެ ދީނީ އަގީދާ ވަރުގަދަވާނެ ގޮތްތަކެއް ވިސްނަންޖެހެއެވެ.

ޚުޡުބާގައި ވިދާޅުވެފައި ވެއެވެ.

މިއަދުގެ ހުކުރު ޚުޡުބާގައި އިތުރަށް ވިދާޅުވެފައިވާ ގޮތުގައި، އިސްލާމީ އުންމަތް ތަރައްގީކޮށް ބިނާކުރުމުގައި ޒުވާނުންގެ ދައުރަކީ ވަރަށް މުހިންމު ދައުރަކަސް ވީހިނދު، އެމީހުންނަށް ދެވޭ ތަރުބިއްޔަތާއި ތައުލީމުގެ މިސްރާބު ހުރި ނެތްތޮތް ވަޒަން ކޮށްލުމަކީ ކޮންމެހެން މުހިންމު ކަމެކެވެ.