ށ. އަތޮޅު ފުނަދޫ ފަޅުތެރޭގައި އޮތް މަސް ދޯންޏެއްގައި އަލިފާން ރޯވި އަލިފާން ނިއްވާލައިފިއެވެ.
މި ދޯނީގައި އަލިފާންގަނޑު ރޯވުމާއެކު، ފަޅުތެރޭގައި އަޅާފައިވާ އެހެން ކަންނެލި ދޯނިތަކުގެ ފަޅުވެރިން ޕަންޕުޖަހައި އަލިފާންގަނޑު ކޮންޓުރޯލް ކުރުމަށް މަސައްކަތް ކުރިއެވެ. ފަހުން ރައްޔިތުންގެ ތެރެއިން ބަޔަކާ، ޕޮލިސް އަދި އެއާޕޯޓް ފަޔަރވެސް އެހީތެރިވިކަމަށް މިނޫހަށް މައުލޫމާތު ލިބިފައިވެއެވެ. ދޯނީގައި ހިނގި އަލިފާންގަނޑު މިހާރުވަނީ ކޮންޓުރޯލް ކޮށްފައެވެ. ފައިބަރުން ހަދާފައިވާ މިދޯނީގެ ގެގަނޑާ އެއްކޮށް މަތީ ބައިން ބޮޑުބައެއް މިހާދިސާގައި އަނދާ ހަލާކުވެފައިވެއެވެ.
ފުނަދޫ ފަޅުގައި އަޅާފައިވާ މި ދޯންޏަކީ، ރޯޒީ ނަމަކަށް ކިޔާ މަސް ދޯންޏެކެވެ. މި ދޯނީގައި އަލިފާން ރޯވަން މެދުވެރިވީ ސަބަބެއް އަދި ސާފެއް ނުވެއެވެ.
މިއަދު މެންދުރު 11 ޖަހާކަންހާއިރު ހިނގި މި ހާދިސާގައި އެއްވެސް މީހަކަށް ގެއްލުމެއް ލިބިފައިނުވާ ކަމުގައި މައުލޫމާތުލިބިފައިވެއެވެ.
