ބޮލީވުޑްގެ ކުޅަދާނަ އެކްޓަރު އިރްފާން ޚާންގެ ދަރިފުޅު ބާބިލް ޚާން ބޮލީވުޑަށް ތައާރަފްވާ ފިލްމު "ގަލާ" އަންނަ މަހުގެ 1 ގައި ނެޓްފްލިކްސް އިން ޕްރިމިއާކުރާ ގޮތަށް ނިންމައިފިއެވެ.
އެކަން އިއުލާންކުރީ ބަތަލާ ޓްރިޕްތީ ދިމްރީ ހިމަނައިގެން ގެނެސްދިން ޕޯސްޓަރަކާ އެކީގައެވެ. މި ފިލްމަކީ ބަތަލާ އަނުޝްކާ ޝަރުމާގެ އާއިލީ ފިލްމު ކުންފުނި، ކްލީން ސްލޭޓް ފިލްމްސް އާއި ނެޓްފްލިކްސް ގުޅިގެން ގެނެސްދޭ ފިލްމެކެވެ.
Qala's music hit all the right notes but chasing after her mother's love made it skip beats 💔#Qala arrives on December 1st, only on Netflix. pic.twitter.com/fhtppKcQgK
— Netflix India (@NetflixIndia) November 1, 2022
ކެންސަރު ބަލީގައި 2020 ވަނަ އަހަރު އިރްފާން މަރުވެފައިވާއިރު، އޭނާއަކީ ތަފާތު މޮޅު އެކްޓިންއެއް ފިލްމުތަކުގައި ދައްކުވައިދިން ވަރަށް ހުނަރުވެރި އެކްޓަރެކެވެ. ބައްޕަ ފަދަ ކުޅަދާނަ އެކްޓަރަކަށް ބާބިލް ވެދާނެތޯ އެއީ ބެލުންތެރިން މިހާރު އުފައްދަމުން އަންނަ އެންމެ ބޮޑު އެއް ސުވާލެވެ.
އަންވިތާ ދަތު ގުޕްތަން ޑައިރެކްޓްކުރާ "ގާލާ" އަކީ 1930-1940 ގެ އަހަރުތަކުގައި ޕްލޭބެކް ސިންގާއެއްގެ ގޮތުގައި އުޅޭ ޒުވާނަކަށް ކުރިން ދިމާވެފައިވާ ހިތްދަތި ކަންތައްތަކަކާ އެކު އޭނާ ކާމިޔާބަށް ވާސިލުވާން ކުރާ މަސައްކަތްތަކެއް ދައްކުވައިދޭ ފިލްމެކެވެ.
ޑައިރެކްޓަރު އަންވިތާ ދަތުގެ "ގަލާ" އިން ބާބިލް ބޮލީވުޑަށް ތައާރަފްވާއިރު އޭނާގެ އަތުގައި އިތުރު ޕްރޮޖެކްޓެއް ވެސް އެބައޮތެވެ. އެއީ ޔަޝްރާޖް ފިލްމްސް (ވައިއާރްއެފް) އިން އިއުލާންކޮށްފައިވާ އެ ސްޓޫޑިއޯގެ ފުރަތަމަ ވެބް ސީރީޒް "ދަ ރެއިލްވޭމޭން" އެވެ.
ބާބިލްގެ އިތުރުން މި ފިލްމުގައި ލައިލާ މަޖްނޫ ކަހަލަ ފިލްމުތަކުގައި ފެނިފައިވާ ތުރިޕްތީ ދިމްރީ އާއި ސްވަސްތިކާ މުކަރުޖީ އަދި އަމިތު ސިއާލް ވެސް ފެންނާނެއެވެ.
