ހުރާވީ ބިލްޑިންގ ހުރި ބިިމުގައި ސައިކަލު ޕާކް ކުރުމަށް ޕާކިން ޒޯންއެއް ހަދައިފިއެވެ.
ޕްލޭނިން މިނިސްޓްރީން ހަދަމުން އަންނަ އެ ޕާކުގެ މަސައްކަތުގެ ބޮޑު ބައެއް މިހާރު ވަނީ ނިމިފައެވެ. އެ ޕާކު ހަދަނީ ވެހިކަލް ޕާކް ކުރެވޭނެ ބޮޑު ގާޖައަކާ އެކު ފޫހިފިލުވައިލަން ގޮސް އިށީނދެލައިގެން ތިބެވޭނެ ތަންތަން ވެސް ހުންނާނެ ގޮތަށެވެ. ހުކުރު މިސްކިތާއި ހުރަވީ ބިލްޑިންގާ ދެމެދުގައި އޮންނަ މަގަށް ވަނީ ދޮންވެލި ލައިފައެވެ.
މާލެ ސިޓީ ކައުންސިލުގެ މޭޔަރު ޑރ.މުއިއްޒު ކުރެއްވި ޓުވީޓުގައި ވިދާޅުވީ ހުރަވީ ބިލްޑިން ހުރި ބިމުގައި 226 ސައިކަލަކަށް ޕާކްކުރެވޭނެ ގޮތަށް ޕާކިން ޒޯނެއް ހަދާފައިވާކަމަށެވެ. އަދި މިހާރު ކުރަމުން އަންނަނީ ޕާކިން ޒޯން ކުރެހުމުގެ މަސައްކަތްކަމަށްވެސް މުއިއްޒު ވިދާޅުވިއެވެ.
މި ސަރަޙައްދުގައި ޕާކިން ޒޯނެއް ހެދުމާއެކު އޮފީސްތަކަށް ދާ މީހުންނަށް ވަރަށްބޮޑު ލުއިފަސޭހައެއް ވެގެންދާނެއެވެ. ޚާއްސަގޮތެއްގައި ވެލާނާގޭގައި ގިނަ އޮފީސްތަކެއް ހިންގަމުން އަންނައިރު އޮފީސްތަކަށް ދާ މީހުންނާއި އުނދަގޫވެފައި އޮންނަނީ ޕާކް ކުރާނެ ޖާގައެއް ނުލިބުމުންނެވެ. ނަމަވެސް ހުރަވީ ބިލްޑިން ހުރި ބިމުގައި ޕާކިން ޒޯނެއް ހެދުމުން މިކަމަށް ކޮންމެވެސް ވަރެއްގެ ހައްލެއް ލިބިގެންދާނެއެވެ.
Kureege Huravee Building huri bimugai cycle parking zone kurehumuge masakkai @MaleCitymv in kuriyah gendhanee. Jumla 226 cycle park kureveyne. pic.twitter.com/ZZpJ90Cj27
— Dr Mohamed Muizzu (@MMuizzu) October 27, 2022
މީގެ 35 އަހަރު ކުރިން އިމާރާތްކުރި ހުރަވީ ބިލްޑިންގުގައި މި ފަހަކާ ޖެހެންދެން ވެސް ސަރުކާރުގެ ބައެއް އޮފީސްތައް ހިންގިއެވެ. އެކަމަކު އެ އިމާރާތް ވަރަށް ބޮޑަށް ބާވެފައި ވާތީ އެ ތަނުގައި މީގެ ކުރިން ހިންގި އޮފީސްތައް އެހެން ތަންތަނަށް ބަދަލުކުރުމަށް ފަހު އިމާރާތް ހުސްކުރީއެވެ.
ސަރުކާރުގެ ގިނަ އޮފީސްތަކެއް ހިންގަމުންދިޔަ ހުރަވީ ބިލްޑިންގ ތަޅާލުމުގެ މަސައްކަތް ފަށާފައިވަނީ މިދިޔަ މެއިމަހުގެ ތެރޭގައެވެ. އަދި މިހާރު އެތަން ހުސްކޮށްފައިވާއިރު އެތަނުގައި ޕާކްހެދުމުގެ މަސައްކަތްތައް އަންނަނީ ކުރަމުންނެވެ. ޕްލޭނިން މިނިސްޓްރީން ކުރިން ވިދާޅުވެފައިވަނީ އަންނަ މަހުގެ 11 ވަނަ ދުވަހު އެ ޕާކް ހުޅުވުމަށް މަސައްކަތް ކުރައްވާކަމަށެވެ.
ކޮމެންޓު ފޮނުވާ