ބޮލީވުޑްގެ ރީތި ބަތަލާ ކެޓްރީނާ ކައިފް ބޭނުންވަނީ އަލުން ސަައުތުގެ ފިލްމްއެއްގައި މަސައްކަތް ކޮށްލަން ކަމަށް އޭނާ ބުނެފިއެވެ.

ބޮލީވުޑްގެ ފިލްމް ތަކުން ބޮޑު މަގުބޫލު ކަމެއް ހޯދައިފައި އަދި ބޮލީވުޑްގައި އެންމެ ޑިމާންޑްބޮޑު އެއް ބަތަލާ އޭނާގެ ކުރިއަށް އޮތް ފިލްމް "ފޯން ބޫތް" ގެޕްރޮމޯޝަން އިވެންޓެއްގައި ވާހަކަ ދައްކަމުން ބުނެފައިވަނީ ރަނގަޅު ސްކްރިޕްޓެއް ލިބިއްޖެ ނަމަ، ދެކުނު އިންޑިއާގެ ފިލްމެއްގައި ވެސް މަސައްކަތްކުރަން ފަސް ނުޖެހޭނެ ކަމަށެވެ.

 

View this post on Instagram

 

A post shared by Katrina Kaif (@katrinakaif)

ކެޓްރީނާ މިހެން ބުނީ މަނީ ރަތުނަމްގެ އެންމެ ފަހުގެ ސައުތު ފިލްމު، "ޕޮނިޔިން ސެލްވަން" ބެލުމަށް ފަހުގައެވެ. އެ ފިލްމު ވަރަށް ކަމުދާ ކަމަށް އޭނާ ބުންޏެވެ. އެ ފިލްމް އިން ބޮލީވުޑްގެ ބަތަލާ އައިޝްވަރްޔާ ވަނީ ފެނިގެން ގޮސްފައިއެވެ. އަދި މި ފިލްްމަކީ ވަރަށް ކާމިޔާބު ފިލްމްއެކެވެ.

ކެޓްރީނާ ބުނީ ސްކްރިޕްޓް ރަނގަޅު ފިލްމްއެއް ލިބިއްޖެ ނަމަ ކޮން ބަހެއްގެ ފިލްމްއެއްތޮ ނުބަލާނެ ކަމަށެވެ. އޭނާ މިހާރުވެސް އަންނަނީ ދެކުނުގެ އެކްޓަރަކާ އެކީ ހިންދީ ފިލްމެއްގެ މަސައްކަތްކުރަމުންނެވެ. އެއީ ވިޖޭ ސެތުޕަތީއާ އެކީ ކުޅޭ ޑައިރެކްޓަރ ސްރީރާމް ރަގްވަންގެ "މެރީ ކްރިސްމަސް" އެވެ.

 

View this post on Instagram

 

A post shared by Katrina Kaif (@katrinakaif)

"ބޫމް" އިން 2003 ވަނަ އަހަރު ބޮލީވުޑަށް ނިކުތް ކެޓްރީނާ ވަނީ ޖެހިގެން އައި އަހަރު، ތެލޫގޫ ފިލްމު "މައްލިސްވަރީ" ގައި މަސައްކަތްކޮށްފަ އެވެ. މީގެ އިތުރުން 2005 ގެ "ޕިޅްގޫ" ގެ އިތުރުން 2006 ގެ މަލަޔާޅަމް ފިލްމު "ބަލްރާމް ވާސަސް ތަރަޑާސް" ކިޔާ ފިލްމްއެއް ގައިވެސް އޭނާ ވަނި މަސައްކަތް ކޮށްފައިއެވެ.