ފޯޅަވައްސާއި ދިވެހި ރާއްޖެއާ ދެމެދު އޮންނަ ސަރަހައްދުގެ ބައެއް، މޮރިޝަސް އަށް ވެދުން ކުރަން ސަރުކާރުން ނިންމި ނިންމުމަކީ، ގައުމަށް ކުރެވޭ ވަރަށްބޮޑު ހިޔާނާތެއްކަމަށް ކުރީގެ ފޮރިން މިނިސްޓަރ ދުންޔާ މައުމޫން ވިދާޅުވެއްޖެއެވެ.
ރާއްޖެއާއި ޗާގޯސްގެ ކަނޑުގެ ސަރަހައްދުން ފުށުއަރާ މައްސަލާގައި ރާއްޖޭން ދޫ ދީ، އެތަނުން ބައެއް ދޫކޮށްލަން ނިންމި ކަމަށް ބުނާ ވާހަކައާއި ގުޅިގެން އެކަމުގެ ކަންބޮޑުވުން ފާޅުކުރައްވާ ކުރީގެ ފޮރިން މިނިސްޓަރ ދުންޔާ މައުމޫން ވިދާޅުވީ، ފޯޅަވައްސާއި ދިވެހި ރާއްޖެއާ ދެމެދު އޮންނަ ސަރަހައްދުގެ ބައެއް، މޮރިޝަސް އަށް ވެދުން ކުރަން ސަރުކާރުން ނިންމި ނިންމުމަކީ، ގައުމަށް ކުރެވޭ ވަރަށްބޮޑު ހިޔާނާތެއްކަމަށެވެ. ރާއްޖޭގެ ސަރަހައްދީ ރައްކާތެރިކަން ހިމާޔަތް ކުރުމަށް ކުރި ވައުދާ ހުވަޔާ ހިލާފުކަމެއްކަމަށްވެސް ދުންޔާ ވިދާޅުވިއެވެ.
ފޯޅަވައްސާއި ދިވެހި ރާއްޖެއާ ދެމެދު އޮންނަ ސަރަހައްދުގެ ބައެއް، މޮރިޝަސް އަށް ވެދުން ކުރަން ސަރުކާރުން ނިންމި ނިންމުމަކީ، ގައުމަށް ކުރެވޭ ވަރަށްބޮޑު ހިޔާނާތެއް. ރާއްޖޭގެ ސަރަހައްދީ ރައްކާތެރިކަން ހިމާޔަތް ކުރުމަށް ކުރި ވައުދާ ހުވަޔާ ހިލާފުކަމެއް.!
— Dunya Maumoon (@dunyamaumoon) October 24, 2022
ދުންޔާ މިހެން ވިދާޅުވެފައިވާއިރު، ރާއްޖޭގެ ކަނޑުގެ ސަރަހައްދާއި ފޯޅަވައްސާ ދެމެދު ކަނޑުގެ ސަރަހައްދުން ފުށާއަރާ ސަރައްދުގެ މައްސަލާގައި ރާއްޖޭއިން މޮރީޝަސްއަށް އެތަން ދޫކޮށްލަން ނިންމިކަމަށް ބުނެ ގިނަ ބަޔަކު އަންނަނީ ކަންބޮޑުވުން ފާޅުކުރަކުންނެވެ. އޭގެ ތެރޭގައި ޤާނޫނީ ވަކީލުންނާއި ސިޔާސީ އިސް ބައެއް ބޭފުޅުންވެސް ހިމެނިވަޑައިގަންނަވައެވެ.
ޗާގޯސް އައިލެންޑްސްގެ ކަނޑުގެ ސަރަހައްދަކާ ފުށޫއަރާ ކަމަށް ބުނެ ކަނޑުގެ ގާނޫނާ ބެހޭ ގާނޫނާބެހޭ ބައިނަލްއަގުވާމީ ޓްރައިބިއުނަލަށް ހުށަހަޅާފައިވާ މައްސަލައިގައި ރާއްޖޭން ކަނޑުގެ ސަރަހައްދުގެ އެއްވެސް ބައެއް ދޫނުކުރާނެކަމަށާއި، ރާއްޖޭގެ ނިންމުން ބަދަލު ނުވާކަމަށް އެޓާނީ ޖެނެރަލްގެ އޮފީހުން ވަނީ ބުނެފައެވެ. އަދި މި މައްސަލާގައި މޮރިޝަސްއަށްވެސް ދޫނުކުރާނެކަމަށް އޭޖީ ވިދާޅުވިއެވެ.
ކޮމެންޓު ފޮނުވާ