ނަމާދަކީ އިސްލާމްދީ އެއެއްޗެއްގެ މައްޗަށް ބިނާވެގެންވާ ދީނުގެ ތަނބު ކަމަށާއި، އެއީ އަޅާއާއި ކާފިރުކަމާއި ދެމެދުގައިވާ ހުރަސްކަމުގައި މިއަދުގެ ހުކުރު ޚުޡުބާގައި ވިދާޅުވެއްޖެއެވެ.
"ނަމާދަކީ ދީނުގެ ތަނބެވެ." މިމައުޟޫއަށް ޚާއްސަ ކުރެވިގެންދިޔައ މިއަދު ހުކުރު ޚުޡުބާގައި ވިދާޅުވެފައިވަނީ، ނަމަދު ގާއިމް ކޮށްފިމީހާ ދީން ގާއިމް ކޮށްފި ކަމަށާއި، ނަމާދު ދޫކޮށްލި މީހާ ދީން މުގުރާލައިފި ކަމުގައެވެ. އަދި ނަމާދަކީ ރެއާއި ދުވާލު ފަސް ފަހަރު ތަކުރާރު ވާގޮތަށް ފަރުޟު ކުރެވިފައިވާ އަޅުކަމެއްކަން ބަޔާން ކުރައްވަމުން ޚުޡުބާގައި ވިދާޅުވެފައިވަނީ ނަމާދުގެ ޤަދަރާއި، ޙުކުމްތަކާއި އަދި ނަމާދަށް ދޭންޖެހޭ ސަމާލުކަމާމެދު ގިނަ މީހުންވަނީ ޢާފިލްވެފައި ކަމުގައެވެ.
ނަމާދަކީ ހިތަށް ހިތްހަމަޖެހުން ލިބޭ އަޅުކަމެކެވެ. ކަންބޮޑުވުމާއި ހާސްވުންފަދަ ކަންކަމުން ސަލާމަތް ކޮށްދޭ އަޅުކަމެކެވެ.
މިއަދުގެ ޚުޡތުބާގައި ވިދާޅުވެފައި ވެއެވެ.
ކިތައްމެ ބަލި ބޮޑުވިޔަސް، ބަލި މީހާއަސްވެސް ނަމާދު އެޅުމެއް ނުވާކަން ބާޔަން ކުރައްވަމުން ޚުތުބާގައި ވިދާޅުވެފައިވަނީ އެހެންނަމަވެސް މިއަދު ފެންނަމުން ދަނީ އެއާ ޚިލާފު މަންޒަރެއް ކަމުގައެވެ. މިގޮތުން ބައެއް މީހުން ބައްޔެއް ވެލާއިރަށް ނަމާދު ދޫކޮށްލާތަން ފެންނަ ކަމަށާއި، އެފަދަ މީހުންނަށް ނަމާދުކުރުން ވެފައި ވަނީ އުފުލަން ޖެހިފައިވާ ބޮޑު ބުރަޔަކަށް ކަމަށެވެ. އަދި ބައެއް މީހުން ނަމާދު ދޫކޮށްލަނީ ބަލި ފަސޭހަވުމުން އެ ނަމާދުތައް ޤަޟާ ކުރުމުގެ ނިޔަގުތައި ކަމަށާއި، އަދި އެ ބަލީގައި މަރުވެއްޖެނަމަ އެއީ އޭނާ ނަމާދު އެޅުމަށް އޮތް އުޒުރެއް ކަމުގައިވެސް ދެކިގެން ކަމުގައެވެ.
މިއީ ވަރަށް ބޮޑު އޮޅުމެކެވެ. މިގޮތަސް ޤަޟާ ކުރުމަށް ނިޔަތްގަނެގެން ވެސް ނަމާދު އެޅުމަކީ ހުއްދަވެގެންވާ ކަމެއް ނޫނެވެ.
ނަމާދު ދޫކޮށްލުމަކީ ހުއްދަވެގެންވާ ކަމެއް ނޫންކަން ބަޔާން ކުރައްވަމުން ޚުޡުބާގައި ވިދާޅުވެފައި ވެއެވެ.
ޝައިޡާނާ މުސްލިމުން ނަމާދާ ދުރުކުރުވުމަށްޓަކާ ވަރަށްގިނަ ހީލަތްތެރި މަކަރުތައް ހަދާ، ދުނިޔޭގެ ދަޅަތައް ދައްކާކަން ބަޔާން ކުރައްވަމުން ޚުޡުބާގައި ވިދާޅުވެފައިވަނީ ޝައިޠާނާއަށް ވެގެންވާނަމަ މުސްލިމުން ނަމާދާ މުޅިން ދުރު ކުރެވޭތޯ ބަލާނެ ކަމަށެވެ. އަދި ވަކީން ޚާއްސަކޮށް އާދަކޮށް ނަމާދު ކުރާ މީހަކުނަމަ އެމީހަކު ނަމާދާ ދުރުކުރެވޭނެތޯ ޝައިޠާނާ ބަލާނެކަމަށްވެސް ޚުޡުބާގައި ވިދާޅުވެފައި ވެއެވެ.
އެހެންކަމުން ހުރިހާ ހާލަތެއްގައިވެސް ނަމާދަށް ފަރުވާތެރިވުމަށް ޚުޡުބާގައި ގޮވާލައްވާފައި ވެއެވެ.
