މެންޗެސްޓާ ސިޓީ ބަލިވުމުގެ ފައިދާ ނައިގައި، ލީޑްސް ޔުނައިޓެޑް ދަނޑުގައި 1-0 އިން މޮޅުވެ އާސެނަލް ލީގުގެ އެއް ވަނައިގައި ހަތަރު ޕޮއިންޓުގެ ލީޑެއް ނަގައިފިއެވެ.
މެޗުގެ ހަމައެކަނި ލަނޑު ފުރަތަމަ ހާފުގެ 35 ވަނަ މިނެޓުގައި އާސެނަލްއަށް ކާމިޔާބުކޮށްދިނީ ބުކާޔޯ ސަކާއެވެ. ދެ ވަނަ ހާފުގައި ބަދަލަކަށް އަރައި، ލީޑްސްގެ ޕެޓްރިކް ބެމްފޯޑް ގޯލެއް ޖެހިއެވެ. އެކަމަކު، ރެފްރީ ކްރިސް ކަވަނާ ނިންމީ މިއީ ފައުލެއް ކޮށްފައި ބެމްފޯޑް ޖެހި ގޯލެއް ކަމަށްވާތީ ބަލައިނުގަންނާށެވެ. މި ހާފުގައި ލީޑްސް އަށް ލިބުނު ޕެނަލްޓީއެއް ވެސް ބެމްފޯޑް އަތުން ނާކާމިޔާބުވިއެވެ.
މެޗުގެ އިތުރު ވަގުތުގައި އާސެނަލްގެ ގަބްރިއެލް މަގާޅައެސް އޭރިއާތެރެއިން ލީޑްސްގެ ބެމްފޯޑަށް ފައުލެއް ކުރި ކަމަށް ބަލައި ރަތް ކާޑެއް ދެއްްކި ނަމަވެސް ފަހުން އެ ނިންމުން ބަދަލުކުރަން ނިންމީ ވީއޭއާރް އިން ބަލައިފައެވެ.
މި ނަތީޖާއާއެކު އާސެނަލް ތާވަލުގެ އެއްވަނާގައި އޮތީ 10 މެޗުން 27 ޕޮއިންޓު ހޯދައިގެންނެވެ. ދެވަނާގައި މެންޗެސްޓަރ ސިޓީ އޮތްއިރު, ތިންވަނައިގައި އޮތީ ޓޮޓެންހަމްއެވެ.
