އިންޑިއާގެ މަޝްހޫރު ލަވަކިއުންތެރިއާ ސޯނޫ ނިގަމް އާ ސިންގަލްއެއް ނެރެފިއެވެ.
ސޯނޫ ކިޔާފައިވާ މި ލަވަ ނެރެފައި ވަނީ ވީޑިއޯއާއި އެކުގައިއެވެ. މި ލަވައިގައި ފެނިގެންދަނީ ކުރީގެ މަޝްހޫރު އެކްޓަރު އަމްރިޝް ޕޫރީގެ ކާފަދަރިފުޅު ވަރުދާން ޕޫރީ އާއި ރިޗާ ރަވީ ޝަރުމާއެވެ.
ވަރަށް ހިތްގައިމު މަޑުމައިތިރި މި ލޯބީގެ ލަވައިގެ ނަމަކީ "ނަ ޖާނާ ކަހީ ދޫރު" އެވެ. މީގެ ކުރިން ސޯނޫ ވަނީ ގިނަ ފިލްމު ތަކަކަކަށް މަގުބޫލް އެތައް ލަވައެއް ކިޔައިދީފައެވެ. ނަމަވެސް މިހާރު އޭނާގެ ލަވަތައް ނެރޭލެއް ވަނީ ވަރަށް މަދުވެފައެވެ. ވައިލްޑް ބަފަލޯ މިއުޒިކުން އެމީހުންގެ ޔޫޓީބް ޗެނަލްގައި މިލަވަ ވަނީ ހިއްސާކޮށްފައިއެވެ.
ސޯނޫގެ މަގުބޫލު ލަވަތަކުގެ ތެރޭގައި ފިލްމު "މޭރޭ ހާތްމޭ"، "ދޯ ޕަލް"، "ދިލް ރުބާ"، "މެއި އަގަރް ކަހޫ"، "ސޫރަޖް ހުވާ މައްދަން"، "އަބީ މުޖްމޭ ކަހީ" ފަދަ ލަވަތައް ހިމެނެއެވެ.
