އެއް ޖިންސުން ގުޅުން ހިންގުމުގެ ކުށުގައި ގޭންދުގެ ހުކުމް ތަންފީޒު ކުރަމުންދާ، ރައްޔިތުންގެ މަޖިލިހުގެ ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރުގެ މައްސަލަ ޕީޖީން ހައި ކޯޓަށް ހުށަހަޅައިފިއެވެ.
ބަންގްލަދޭޝްގެ ރައްޔިތެއް ކަމުގައިވާ އެމްޑީ އަލަމްގިރިއާއެކު އެއް ޖިންސުން ގުޅުން ހިންގުމުގެ ކުށުގައި ނާޒިމް ސައްތާރުގެ މައްޗަށް ދަށު ކޯޓުން އިއްވާފައިވަނީ ތިން މަހާއި 26 ދުވަހުގެ ގޭ ބަންދުގެ ގޭ ބަންދު ހުކުމެކެވެ. އޭނާގެ ކުރިމިނަލް ކޯޓުން ކުޑަ ހުކުމެއް އިއްވާފައިވަނީ އޭނާ ކުށަށް އިއުތިރާފްވެ އަދި މާފަށްވެސް އެދިފައި ވާތީއެވެ.
މި މައްސަލަ ދައުލަތުން މިއަދު ހައި ކޯޓުގައި އިސްތިއުނާފް ކޮށްފައި ވާއިރު، މައްސަލަ ބަލައިގަތުމާމެދު އަދި ހައިކޯޓުން ގޮތެއް ނިންމާފައެއް ނުވެއެވެ.
ނާޒިމް ސައްތާރު 2 މަހަށް ގޭ ބަންދުކުރުމަށް ކޯޓުން ހުކުމް ކުރި އިރު ހަމަ އެބާވަތުގެ މައްސަލައެއްގައި، އެކަކާއކު ޖިންސީ ގުޅުން ހިންގުމުގެ ކުށުގައި ކުރިމިނަލް ކޯޓުން، ފުލުހެއް ކަމަށްވާ އަބްދުއްރަހްމާން ރަފީއުގެ މައްޗަށް އިއްވާފައިވަނީ އެއް އަހަރުގެ ޖަލު ހުކުމެކެވެ. ދައުލަތުން އޭނާގެ މައްސަލަވެސް އިސްތިއުނާފް ކޮށްފައި ވެއެވެ. އޭނާގެ މައްސަލަ އިސްތިއުނާފް ކޮށްފައިވަނީ އެހުކުމް ބޮޑު ކަމަށް ބުނެއެވެ.
ހަމަ މި މައްސަލާގައި އަލަމްގިރީގެ މައްޗަށް އިއްވާފައިވަނީ 7 މަހުގެ ޖަލު ހުކުމެކެވެ، އެއަށްފަހު، 40 މީހެއްގެ އޮރިޔާން ކާޑު ހެދި މައްސަލަ ސާބިތުވެ އޭނާ މިހާރުވަނީ އިތުރު ދެ އަހަރާއި ނުވަ ދުވަހަށް ޖަަލަށް ލާފައެވެ.
