ރާއްޖޭގައި ކުރިއަށްގެންދާ ކޯވިޑް ވެކްސިނޭޝަން ޕްރޮގްރާމް ހުއްޓުވުމަށް ވަގުތީ ކޯޓު ޢަމރުރަކަށް އެދިއްޖެއެވެ. މި މައްސަލަ ސިވިލް ކޯޓަށް ހުށައެޅީ ލޯފާމެއްކަމަށްވާ ލޯ އޮފީސް އަފްރާ އުޘްމާން ލޯފާމުންނެވެ.
އެ ލޯފާމުން ނެރުނު ބަޔާނެއްގައި ވަނީ، ފެބްރުއަރީ 2021 އިން ފެށިގެން ރާއްޖޭގައި ދެމުންގެންދާ ކޮވިޑް-19 ވެކްސިން ދިނުމުގައި، ރާއްޖޭގެ ގާނޫނާއި ގަވާއިދާއި ބައިނަލްއަގްވާމީ އުސޫލުތަކާއި މިންގަނޑުތަކާ ހިލާފު އަމަލުތަކެއް ދިވެހި ދައުލަތުން ހިންގާފައިވާކަމަށެވެ.
އެފަރާތުން ހުށައެޅި މައްސަލާގައި ބުނީ، ކޯވިޑް-19 ވެކްސިނޭޝަން ޕްރޮގްރާމާ ގުޅޭ ނިންމުންތަކުގެ މައްސަލަ ބަލައި ދިނުމަށް އެދި، ޖުޑީޝަލް ރިވިއުގެ ދައުވާއެއް ސިވިލް ކޯޓަށް ހުށަހަޅާފައިވާއިރު އެ މައްސަލަ މިމަހުގެ ދެވަނަ ދުވަހު ކޯޓުގައި ރަޖިސްޓްރީ ކޮށްފައިވާ ކަމަށެވެ. ކޯވިޑް-19ގެ ތަހުލީލީ ވެކްސިންތަކެއް އެތައް ބައެއްގެ ގަޔަށް ޖެހިފަހުން، އާދަޔާ ހިލާފަށް ކުއްލި މަރުތައް އިތުރުވެފައިވާކަމަށް ބުނެފައިވެއެވެ. އަދިދުނިޔޭގެ އެކި ކަންކޮޅުތަކުގައި ވެސް އެފަދަ މަރުތައް އިތުރުވެފައިވާކަން މި މައްސަލާގައި ބަޔާންކޮށްފައިވެއެވެ.
މި މައްސަލާގައި ވަނީ، ބައިނަލްއަގްވާމީ ޑޮކްޓަރުންނާއި ސައިންޓިސްޓުންގެ ޖަމިއްޔާތަކުން ކޮވިޑް-19ގެ ތަހުލީލީ ވެކްސިންތައް ދިނުން ވަގުތުން ހުއްޓާލުމަށް ގޮވާލާފައިވާކަމަށް ބުނެފައިވެއެވެ. އެހެންކަމުން ރާއްޖޭގައިވެސް ކޯވިޑް19ގެ ވެކްސިން ދިނުން ހުއްޓުވުމަށް ވަގުތީ ޢަމުރެއް ނެރެދިނުމަށްވެސް ވަނީ އެދިފައެވެ.
އެ ލޯފާމުން މި މައްސަލ ހުށައެޅީ ރާއްޖޭގަިއ ކުއްލި މަރުތައް ގިނަވަމުން ދިއުމާއި ގުޅިގެންނެވެ.
ކޯވިޑް-19އިގެ ހާލަތުން ރާއްޖެ އަރައިގަނެވިފައިވަނީ ކޯވިޑްގެ ވެކްސިން ޕްރޮގްރާމްގެ ކާމިޔާބުކަމުގެ ސަބަބުންކަމަށް ސިއްޙީ ދާއިރާގެ ތަޖުރިބާކާރުން ވިދާޅުވެއެވެ.
One Response
ބަލަގަ ޓެގްޓީމުގެ އެކަކުވެސް ނުޖަހައޭ.. ރަތްޔިޔުންނަށް ބިރުދައްކައި މަޖުބޫރު ކުރުވައި ޕީސީއާރު ހަދުވައިގެން ހަރާމް ލާރި ކައިގެން ވަންއެވިނިއު ތަންތަނުން އެޕާޓްމަންޓް ގަނެލައިގެން ޓެގުޓީމު ކޮންމެ ޓެގަކު އެކައުންޓައް ބިލިއަނުން ފައިސާ އަޅާލައިގެން އެތިއްބަވަނީ.. ނުބައިކަން އިންތިހައިއަށް ބަލިމަޑުކަމެއް އައިމަވެސް އެއިގެން ނައިޖައިސްފައިދާނެގީ..