މިދިޔަ އަހަރުގެ ނޮވެމްބަރުމަހު ކަލާޒް ޓީވީން ދައްކަންފެށި ޑްރާމާ ސީރިޒް "ސިރްފް ތުމް" ނިންމާލަން ތައްޔާރުވެފައި ވާކަމަށް ޚަބަރުތަށް ބުނެފިއެވެ.
ބެލުންތެރިންގެ މެދުގައި ވަރަށް މަގުބޫލު ދެތަރިން ކަމުގައިވާ ވިވިއަން ދެސޭނާ އާއި އެއިޝާ ސިންގް ފެނިގެންދާ ޑްރާމާ ނިންމާލަނީ މިމަހުގެ 16 ވަނަ ދުވަހު ކަމަށް ޚަބަރުތައް ބުނެއެވެ.
މި މަހު ކުރީކޮޅު ކަލާޒްގެ އޯޓީޓީ ޕްލެޓްފޯމް ކަމަށްވާ ވޫޓުން ސްޓްރީމް ކުރެވޭގޮތަށް ހަމަޖައްސާފައިވާ މި ޝޯގެ ޝޫޓިން ހަފްތާއެއްގެ ފަހުން ނިންމާލާނެ ކަމަށް މުނިފޫހިފިލުވުމުގެ ހަބަރުތަށް ގެނެސްދޭ އިންޑިއާގެ ނޫސްތަކުން ވަނީ ބުނެފައެވެ.
މި ޝޯ ނިންމާލަން އުޅޭކަން ވިވިއަންވެސް ވަނީ ކަށަވަރު ކޮށްދީފައެވެ. އޭނާ ބުނީ ކޮންމެ ކަމަކީވެސް ނިމުމެއް އަންނާނެ ކަމެއް ކަމަށެވެ. އަދި އެންމެ ރަނގަޅު ތަޖުރިބާތަކަކީ މުސްތަގުބަލަށް ރަނގަޅު ފިލާވަޅުތަކެއް ދަސްކޮށްދޭ ތަޖުރިބާތަކެއް ކަމަށްވެސް ވިވިއަން ބުންޏެވެ.
2021 ވަނަ އަހަރު ނޮވެމްބަރު 21ގައި ދައްކަން ފެށި މި ޑްރާމާ އަކީ ލޯބީގެ ކަންތައްގަނޑަކާއި އާއިލީ މައްސަލަތަކެއްވެސް ގެނެސްދޭ ޑްރާމާއެކެވެ.
ރަޝްމީ ޝަރުމާ ޕްރޮޑިއުސްކޮށް ގެނެސްދިން "ސިރްފް ތުމް"ގެ ޑައިރެކްޓަރަކީ ޕަންކަޖް ކުމާރެވެ.
