މަސައްކަތު ތަޖުރިބާހޯދުމުގެ ދަތުރެއްގައި އޭވިއޭޝަން ސެކިއުރިޓީ ކޮމާންޑުގެ 23 މުއައްޒަފުން އިންޑިއާއަށް ދިއުމުގެ ފުރުސަތު އިންޑިއާ ސަރުކާރުން ހަމަޖައްސައި ދީފިއެވެ.
މި ދަތުރުގެ ޓިކެޓް ހަވާލުކުރުމުގެ ރަސްމިއްޔާތު މިއަދު ވަނީ ބާއްވާފައެވެ. މި ރަސްމިއްޔާތުގައި ތިކެޓް ހަވާލު ކޮއްދެއްވީ އިންޑިޢާއިން ދިވެހި ރާއްޖެއަށް ކަނޑައަޅުއްވާފައި ހުންނަވާ ސަފީރު ހިސް އެކްސަލަންސީ މުނޫ މަހާވަރުއެވެ. އޭވިއޭޝަން ސެކިއުރިޓީ ކޮމާންޑުގެ ފަރާތުން ޓިކެޓްއާއި ހަވާލުވެ ވަޑައިގެންނެވީ އޭވިއޭޝަން ސެކިއުރިޓީ ކޮމާންޑުގެ ޑައިރެކްޓަރ އޮފް އޭވިއޭޝަން ސެކިއުރިޓީ އަލީ އަސްގަރުއެވެ.
މި ރަސްމިއްޔާތުގެ ޝަރަފުވެރި މެހެމާން އިންޑިއާއިން ރާއްޖެ ކަނޑައަޅުއްވާފައި ހުންނަވާ ސަފީރުގެ ވާހަކަ ފުޅުގައި މި ސްޓަޑީ ޓުއަރ އަކީ މި ބާވަތުގެ ޕްރޮގްރާމް ތަކުގެ ތެރެއިން ރާއްޖެއަށް ލިބޭ ފުރަތަމަ ފުރުސަތު ކަމުގައި ދެންނެވިއެވެ. އަދި މިއީ މިފަދަ އެތައް ޕްރޮގްރާމް ތަކެއްގެ ފެށުން ކަމުގައިވެސް ވަނީ ފާހަގަ ކުރައްވާފައެވެ. މީގެ ކުރިންވެސް އިންޑިއާ ސަރުކާރުން ވަނީ އޭވިއޭޝަން ދާއިރާއާއި ގުޅުންހުރި ކޯސް ތަކެއް ރާއްޖެއަށް ހޯދައިދެއްވާފައެވެ.
Inauguration ceremony of Indian study tour program for Aviation Security Command by indian government@HCIMaldives @MoDmv @MariyaDidi @AliAshgar @dasamaldives pic.twitter.com/z55lvyPSHi
— AVSECOM (@AVSECOMmv) September 15, 2022
މި ރަސްމިއްޔާތުގައި ޑިފެންސް މިނިސްޓްރީގެ ޑެޕިއުޓީ މިނިސްޓަރ އަލްއުސްތާޛް ހަސަން ޒަމީލު ގެ ވާހަކަފުޅު ދެއްކެވުމުގައި މި ޕްރޮގްރާމްގެ ބޭނުން ފުރިހަމަ ގޮތުގައި ހިފުމަށް އެންމެހާ ބައިވެރިންނަށް ވަނީ ނަސޭހަތްތެރިވެފައެވެ.
މިދަތުރަކީ އިންޑިއާ އާއި ރާއްޖޭގެ ގުޅުން އިތުރަށް ވަރުގަދަކޮށް ބަދަހި ކުރުމުގެ ގޮތުން އޭވިއޭޝަން ދާއިރާގައި މަސައްކަތްކުރާ ދިވެހި މުވައްޒަފުންނަށް އިތުރު ތަޖުރިބާ ހޯދައިދިނުމުގެ ގޮތުން އިންޑިއާ ސަރުކާރުން ފަންޑުކޮށް ހަމަޖައްސައި ދެއްވާފައިވާ ދަތުރެކެވެ. މި ދަތުރަކީ 5 ދުވަހުގެ ދަތުރެކެވެ. މި ދަތުރުގެ ބައިވެރިން ފުރުމަށް ހަމަޖެހިފައިވަނީ މި މަހުގެ 18 ވަނަ ދުވަހު ވެލާނާ އިންޓަނޭޝަނަލް އެއަރޕޯޓްއިންނެވެ.
