ކުރީގެ މަޝްހޫރު ބޮލިވުޑް ބަތަލާ ރަވީނާ ޓަންޑަންގެ ވެބް ސިރީޒް "އަރަންޔަކް"ގެ ދެވަނަ ސީޒަނެއް ނުހާދެ ނަމަށް ރިޕޯޓްތައް ބުނެފިއެވެ.
މިދިއަ އަހަރުގެ ޑިސެމްބަރު މަހު ނެޓްފްލިކްސް އިން ގެނެސްދިން ވެބް ސިރީޒް ގައި ރަވީނާ ފެނިގެން ދަނީ އޮފިސަރެއްގެ ރޯލުންނެވެ.
ކްރިޓިކުންނާއި ބެލުންތެރިންގެ ފަރާތުންވެސް ޕޮޒިޓިވް ކޮމެންޓްތަކެއް ލިބިގެން ދިއަ ވެބް ސީރީޒްގެ ދެވަނަ ސީޒަންއެއް ނެޓްފްލިކްސް އިން ނުހާދާ ގޮތަށް ނިންމި އިރު ކުރީގެ ބަތަލާ މާދުރީގެ އަލަތު ވެބް ސިރީޒް "ދަ ފޭމް ގޭމް" ގެ ވެސް ދެވަނަ ސީޒަނެއް ނުހަދަން ނެޓްފްލިކްސް އިން ވަނި ނިންމާފައެވެ.
ނަމަވެސް "އަރަންޔަކް" ގެ ދެވަނަ ސީޒަން ނަހަދަން ނިންމި ސަބަބެއް ހާމަ ކޮށްފައެއް ނުވެއެވެ. އަދި ރަސްމި އެއްވެސް ފަރާތަކުން އަދި މިޚަބަރު ކަށަވަރު ކޮށްދީފައެއްވެސް ނުވެއެވެ.
View this post on Instagram
ފިލްމު "ދާމަން" އިން ނެޝަނަލް އެވޯޑް ވެސް ހޯދާފައިވާ ރަވީނާގެ ފާހަގަކޮށްލެވޭ ބައެއް ފިލްމުތަކުގެ ތެރޭގައި "އަންދާޒް އަޕްނާ އަޕްނާ"، "މޮހޮރާ"، "ދިލްވާލޭ" އަދި "ސައްތާ" ހިމެނެ އެވެ.
އިންޑިއާގައި މިހާރު ޑިޖިޓަލް ކޮންޓެންޓްތައް ވަރުގަދަވެ، ވެބް ސީރީޒްތަކުގެ ފޯރި ވަރަށް ބޮޑަށް ގަދަވެފައިވާ އިރު، ކުރީގެ ގިނަ ތަރިންތަކެއް އަންނަނީ ވެބް ސީރީޒް ތަކުގައި މަސައްކަތް ކުރަމުންނެވެ.
