މުލީ އެއާޕޯޓް މަސައްކަތް ހުއްޓުމެއްނެތި ބާރަށް ކުރިއަށް ދާކަމުގައި މިމަސައްކަތް ކުރިއަށް ގެންދާ އެމްޓީސީސީން ބުނެފިއެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީއާ ހަވާލުކޮށް އެއަރޕޯޓްގެ ޢަމަލީ މަސައްކަތް ފެށީ މިދިޔަ އަހަރުގެ އޮކްޓޯބަރު މަހުގެ ތެރޭގައެވެ.
އެމްޓީސީސީން ވަނީ މިއަދު މުލީ އެއާޕޯޓްގެ މަސައްކަތުގެ އަޕްޑޭޓެއް ދީފައެވެ. އެމްޓީސީސީން ބުނެފައިވަނީ މުލީ އެއާޕޯޓްގެ ފަޔަރ ބިލްޑިންގ ޕްލާސްޓްރ އެޅުމުގެ މަސައްކަތުގެ 68 އިންސައްތަ މިހާރު ވަނީ ނިމިފައެވެ. މީގެ އިތުރުން، ރަންވޭ ހިއްކުމުގެ މަސައްކަތުގެ 42 އިންސައްތަ މަސައްކަތް ނިމިފައިވާކަމަށެވެ.
މ. މުލި އެއަރޕޯޓް ތަރައްޤީ ކުރުމުގެ މަޝްރޫޢުގެ ދަށުން، ފަޔަރ ބިލްޑިންގ ޕްލާސްޓްރ އެޅުމުގެ މަސައްކަތުގެ 68 އިންސައްތަ މިހާރު ވަނީ ނިމިފައެވެ. މީގެ އިތުރުން، ރަންވޭ ހިއްކުމުގެ މަސައްކަތުގެ 42 އިންސައްތަ ވަނީ ނިންމާލެވިފައެވެ.
#RayyithungeKunfuni #MTCCProjects pic.twitter.com/ComhwPIGWK— MTCC Plc (@MTCCPlc) September 13, 2022
މުލީގައި އެއަރޕޯޓް އަޅަނީ އެ ރަށުގައި 2018ވަނަ އަހަރު ހިއްކި 40 ހެކްޓަރުގެ ބިމުގެ ސަރަޙައްދުގައެވެ. ނަމަވެސް އެއަރޕޯޓްގެ ރަންވޭގެ މަސައްކަތްތައް ކުރިއަށްގެންދެވެން އޮތީ ރަށުން އިތުރަށް ބިން ހިއްކައިގެންނެވެ. މި މަސައްކަތަށް އިތުރު 14 ހެކްޓަރުގެ ބިން ހިއްކަން ޖެހެއެވެ. މި މަސައްކަތުގައި ހިއްކާ ސަރަޙައްދު ޙިމާޔަތްކުރުމަށް 1812 މީޓަރުގެ ބޮޑުހިލައިގެ ރިވެޓްމަންޓް ޖެހުންވެސް ހިމެނެއެވެ.
މީމު އެއަރޕޯޓުގެ ރަންވޭއަކީ 1200މީޓަރު ދިގު، 30މީޓަރު ފުޅާ ރަންވޭއެކެވެ. ރަންވޭގެ އިތުރުން ޓެކްސީވޭއާއި، ފްލައިޓް ޕާކިން އޭރިއާއަކާއި، ޓަރމިނަލް އިމާރާތް އެޅުންވެސް މިމަސައްކަތުގެ ތެރޭގައި ހިމެނެއެވެ. މި މަޝްރޫޢަށް 221 މިލިއަނަށްވުރެ ގިނަ ރުފިޔާ ހޭދަކުރެއެވެ.
މުލަކަތޮޅުގައި 38ރަށް އޮންނައިރު މީހުން ދިރިއުޅޭ އޮންނަނީ 8 ރަށެވެ. މުޅި އަތޮޅުގެ އާބާދީ 7000އިން މައްޗަށް އަރައެވެ. މި އެއަރޕޯޓާއެކު ސަރުކާރުންވެފައިވާ، މީހުން ދިރިއުޅޭ ކޮންމެ ރަށަކުން 30 މިނެޓުގެ ތެރޭގައި އެއަރޕޯޓެއް އޮންނަ ރަށަކަށް ދެވުމުގެ ވަޢުދު ފުއްދޭނެއެވެ.
