ރޫޓީން ޗެކަޕެއެއް ހެއްދެވުމަށް ޖުމްހޫރީ ޕާޓީގެ ލީޑަރު ޤާސިމް އިބްރާހިމް ދަރުމަވަން ހޮސްޕިޓަލަށް ގެނެސްފިއެވެ.
ޖުމްހޫރީ ޕާޓީގެ ތަރުޖަމާނު ވިދާޅުވީ ގާސިމް ދަރުމަވަންތަ ހޮސްޕިޓަލަށް ގެންދިޔައީ އާންމުކޮށް ހަދަމުންދާ ރޫޓިން ޗެކަޕެއް ހެދުމަށްކަމަށެވެ. އަދި ގާސިމްގެ ހާލު ރަނގަޅުކަމަށްވެސް އޭނާ ވިދާޅުވިއެވެ.
ގާސިމް މިއަދު ދަރުމަވަންތައަށް ގެނެސްފައިވާއިރު، މީގެ ދެތިން ދުވަސް ކުރިން ސަން އައިލެންޑް ރިސޯޓްގައި ހުންނަވަނިކޮށް ހާލު ސީރިއަސް ވެގެން ޑޮކްޓާރުންގެ ޓީމެއް މާލެ އިން އެރިސޯޓަށް ގޮސްފައިވާކަމަށް މީސް މީޑީއާގައި ޚަބަރު ފެތުރުނެވެ. ނަމަވެސް އެޚަބަރުވެސް ޖުމްހޫރީ ޕާޓީންވަނީ ދޮގުކޮށްފައެވެ.
ކޯވިޑް-19އާއި ގުޅިގެން ގާސިމަކީ ހައިރިސްކު ބޭފުޅަކަށްވުމުން ގިނައިން ދިރިއުޅުއްވަނީ ސަން އައިލެންޑުގައެވެ. މަޖިލީހުގެ ޖަލްސާތަކަށްވެސް ގާސިމް ވަޑައިގަންނަވަނީ ވަރަށް މަދުންނެވެ.
ކޮމެންޓު ފޮނުވާ