ބޮލީވުޑްގެ ކިންގް ޚާން، ޝާހްރުކް ޚާން މެދުކެނޑުމަކަށް ފަހު ބޮޑު ސްކްރީނަށް އެނބުރި އަންނަ ފިލްމު "ޕަތާން" ގައި ޖޯން އަބްރަހަމް ފެނިގެންދާގޮތް ދައްކާލައިފިއެވެ.
ޝާހްރުކް ވަނީ އޭނާގެ އިންސްޓަގްރާމްގައި ޖޯން ފެންނާނެ ގޮތް ހިއްސާކޮށްފައެވެ.
ޝާހްރުކް އެނބުރި އައުން ފާހަގަ ކުރާ ފިލްްމު "ޕަތާން" އަކީ ބޮޑު ކާސްޓެއް ހިމެނޭ ފިލްމެކެވެ. މިހާރުވެސް އަހަރެއްހާ ދުވަސް ޝޫޓިންގައި ހޭދަކޮށްފައިވާ މި ފިލްމު ރިލީޒް ކުރުމަށް ތާވަލު ކޮށްފައިވަނީ 25 ޖަނަވަރީ 2023 އަށެވެ.
ހަތަރު އަހަރު ކުރިން 2018 ވަނަ އަހަރު ނެރުނު ފްލޮޕް ފިލްމު "ޒީރޯ" އަށް ފަހު ޝާހްރުކްގެ ފިލްމަކަށް، ސަޕޯޓަރުން ކުރަމުންދާ އިންތިޒާރުގެ ނިމުން އަންނަނީ އަންނަ އަހަރުއެވެ. ޔަޝް ރާޖް ފިލްމްސް އިން ގެނެސްދޭ މި ފިލްމު 3 ބަހަކުން ނެރުމަށް ވަނީ ހަމަޖެހިފައެވެ. އެއީ ހިންދީ، ޓެލުގޫ އަދި ޓެމިލްއެވެ.
މި ފިލްމުގައި ޝާހްގެ އިތުރުން ދީޕިކާ ޕަޑުކޯން، ޖޯން އަބްރަހަމް އަދި ޝާބާނާ އާޒްމީ ފަދަ މަޝްހޫރު ތަރިން ހިމެނެއެވެ.
ކޮމެންޓު ފޮނުވާ