މާލެއިން ކަރަންޓުގެ ޚިދުމަތް މެދު ކެނޑިފައިވަނީ، ގްރޭޓާމާލެ އިންޓަރކަނެކްޝަން ގްރިޑަށް ދިމާވި ޓެކްނިކަލް މައްސަލައަކާއި ގުޅިގެން ކަމަށާއި މި ވަގުތު ގްރިޑްގެ ހިދުމަތް މެދުކެނޑިފައިވާއިރު، ގްރިޑް ރީކަނެކްޓް ކުރުމުގެ މަސައްކަތް ދަނީ ކުރެވެމުން ކަމުގައި ސްޓެލްކޯއިން ބުނެފިއެވެ.
ސްޓެލްކޯއިން މީގެ ކުޑަ އިރުކޮޅެއް ކުރިން ކުރި ޓުވީޓެއްގައި ވިދާޅުވެފައިވަނީ، ދިމާވި ޓެކްނިކަލް މައްސަލައަކާއި ގުޅިގެން، މުޅި މާލެއިން އަދި ހުޅުމާލޭގެ ބަޔަކުން ވަނީ ކަރަންޓުގެ ހިދުމަތް މެދުކެނޑިފައި ކަމަށާއި މި މައްސަލަ ހައްލުކޮށް ވީއެންމެ އަވަހަކަށް ކަރަންޓު ދިނުމުގެ މަސައްކަތް ދަނީ ކުރެވެމުން ކަމުގައެވެ. ދިމާވާނެ ދަތިތަކަށް އެ ކުންފުނިން މާފަށް އެދިފައި ވެއެވެ.
ސްޓެލްކޯއިން ހާމަ ކޮށްފައިވާ ގޮތުގައި، މާލެއަށް ކަރަންޓު ދެމުންދާ ފީޑަރުތަކުގެ ތެރެއިން 9 ފީޑަރެއް މިހާރު ވަނީ އެނަރޖައިޒް ކުރެވިފައި ވާކަމަށާއި، ބާކީ ހުރި ފީޑަރުތައް އެނަރޖައިޒް ކުރުމުގެ މަސައްކަތް ދަނީ މިހާރު ދަނީ ކުރެވެމުން ކަމުގައެވެ.
އަދި ހުޅުމާލޭގެ އެންމެ ފީޑަރެއް ފިޔަވާ ހުރިހާ ފީޑަރެއް ވަނީ އެނަރޖައިޒް ކުރެވިފައި ވާކަމަށާއި އެނަރޖައިޒް ނުކުރެވި ހުރި ފީޑަރުތައް އެނަރޖައިޒް ކުރުމުގެ މަސައްކަތް މިހާރު ކުރެވެމުންދާ ކަމުގައިވެސް ކުންފުނިން ހާމަ ކޮށްފައި ވެއެވެ.
މުޅި މާލެއިން ކަރަންޓު ދިއުމަކީ މަދުން ނޫނީ ދިމާ ނުވާ ހާލަތެކެވެ. އެންމެ ފަހުން މުޅި މާލެއިން ކަރަންޓު ގޮސްފައިވަނީ މީގެ މަހެއްހާ ދުވަސް ކުރިންނެވެ.
One Response
އިންޖީނުތަކަށް ނޭވާލާނެ ވަގުތު ކޮޅެއް ލިބުނީދޯ