ކުރީގެ ރައީސް އަބުދުﷲ ޔާމިންއާއި ދެކޮޅަށް، ވ އާރަށުގެ މައްސަލާގައި ކުރެވެމުންދާ ކޮރަޕްޝަންގެ ތުހުމަތުގައި ޔާމިންއާއި ދެކޮޅަށް ޒިޔަތުގެ ހެކިބަސް ނެގުން މާދަމާ އޮންނާނެއެވެ.
ރިސޯޓެއް ތަރައްޤީކުރަން ދޫކުރި ވ.އަތޮޅު އާރަށުގެ މައްސަލާގައި އޭރުގެ ވެރިކަމުގައި ރަށްތައް ދޫކުރަމުންދިޔަ ގޮތް ސާބިތު ކުރުމަށްޓަކައި ދައުލަތުގެ ފަރާތުން މިމައްސަލާގައި ހުށަހަޅާފައިވާ ހެކެއްގެ ގޮތުގައި، ޒިޔަރު ޔާމިންއާއި ދެކޮޅަށް ހެކިބަސް ދޭން ތާވަލު ކޮށްފައިވަނީ މާދަމާ ހެނދުނު 9:30ގައެވެ.
ދައުލަތުން ޔާމިންގެ މައްޗަށް ދައުވާ ކޮށްފައިވަނީ، މަނީ ލޯންޑަރިންއާއި ރިޝްވަތު ގަބޫލު ކުރިކަމަށް ތުހުމަތު ކޮށެވެ.
އެމްއެމްޕީއާރުސީގެ ޚިޔާނާތުގެ މައްސަލާގައި މިހާރުވެސް ދިގު މުއްދަތުގެ ހުކުމެއް ތަންފީޒު ކުރަމުންދާ ޒިޔަތުވަނީ މީގެ ކުރިންވެސް ކޯޓުގައި ރައީސް ޔާމިންއާއި ދެކޮޅަށް ހެކިބަސް ދީފައެވެ. ޒިޔަތު މީގެ ކުރިންވަނީ، އެމްއެމްޕީއާރުސީގެ ޚިޔާނާތުގައި ބައިވެރިވިކަމަށް އެއްބަސްވެ، ދައުލަތާއެކު އިއުތިރާފްގެ އެއްބަސްވުމެއް ހަދާފައެވެ.
ވ.އާރަށުގެ އިތުރުން ފުއްގިރި ކުއްޔަށް ދިން މައްސަލާގައިވެސް ރައީސް ޔާމީންގެ މައްޗަށް ވަނީ މަނީ ލޯންޑަރިންގެ ދަށުވާ އުފުލާފައެވެ. އެ ދެ މައްސަލަވެސް ކުރިއަށްގެންދަނީ ވަކިންނެވެ.
