ބަންގްލާދޭޝްގެ ރައްޔިތެއްކަމުގައިވާ އެމްޑީ އަލަމްގިރިއާއެކު ހައްޔަރު ކޮށްފައިވާ ކުރީގެ ރައީސް މުހައްމަދު ނަޝީދުގެ ކޮއްކޮ އަހްމަދު ނާޒިމް އަބްދުއްސައްތާރާއި ރައްޔިތުންގެ މަޖިލީހުގެ ނޮޅިވަރަމް ދާއިރާގެ ކުރީގެ މެންބަރު މުހައްމަދު ނަޝީދު (ކާނަލް)ފުލުހުންގެ ޑްރަގް އެންފޯސްމަންޓް ޑިޕާޓްމަންޓްގައި މަސައްކަތް ކުރި އަބްދުއްރަހްމާން ރަފީއު ބަންދުން ދޫކޮށްލައިފިއެވެ.
މައުލޫމާތު ލިބިފައިވާގޮތުގައި، އެއްޖިންސުން ގުޅުން ހިންގުމުގެ ތުހުމަތުގައި ހައްޔަރުކުރި މި 3 މީހުންވެސް ދޫކޮށްލާފައިވަނީ ކުރިމިނަލް ކޯޓުން ޖެހި ބަންދުގެ މުއްދަތު ހަމަވުމާއި ގުޅިގެންނެވެ.
މި މީހުންގެ މައްސަލަ ތަހުގީގު ކުރުމަށްފަހު މައްސަލަ ފުލުހުންވަނީ ފާއިދުވެދިޔަ ހަފްތާގައި ޕީޖީއަށް ފޮނުވާފައެވެ. އެހެންނަމަވެސް މި މައްސަލަތަކުގައި އަދި ދައުވާކުރިކަމެއް އެގިފައެއް ނުވެއެވެ.
މި ތިން މީހުންގެ މައްޗަށ ދައުވާ ކޮށްދިނުމަށް ޕީޖީއަަށް މައްސަލަ ފޮނުވާފައިވަނީ ގާނޫނުލް އުގޫބާތުގެ އިތުރުން ޖިންސީ ކުށުގެ ގާނޫނުގެ ދަށުންނެވެ. މި ދެ ގާނޫނަކީ، އެއްޖިންސުން ގުޅުން ހިންގުމުގެ ކުށުގައި ބޮޑެތި އަދަބުތަކެއް ކަނޑައަޅާފައިވާ ދެގާނޫނެވެ.
ރައްޔިތުންގެ މަޖިލިހުގެ ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރާއި، ރައްޔިތުންގެ މަޖިލީހުގެ ކުރީގެ މެމްބަރު މުހައްމަދު ނަޝީދުގެ އިތުރުން މިމައްސަލާގައި ހައްޔަރު ކޮށްފައިވާ ފުލުހުންގެ މީހާ އަބްދުއްރަހުމާން ރަފީގުއަކީ، ލީކުވަމުންދާ ވީޑިއޯތަކުގެ މައްސަލާގައި އެންމެ ފުރަތަމަ ހައްޔަރު ކުރި ތިން މީހުންނެވެ. މި ތިން މީހުންގެ ބަންދުވެސް ވަނީ ދެފަހަރެއްގެ މަތިން އިތުރު ކޮށްފައެވެ.
ފާއިތުވެދިޔަ ދެ މަހެއްހާ ދުވަހުގެ ތޭރޭގައި ލީކުވަމުންދާ އަލަމްގިރި އެއްޖިންސުން ގުޅުން ހިންގާފައިވާ ވީޑިއޯތަކުންވަނީ ގިނަ ދިވެހިންނެއް ފެނިގެން ގޮސްފައެވެ.
އަދި ފާއިތިވެދިޔަ ހަފްތާތަކުގެ ތެރޭގައި ދައުލަތުގެ މުވައްސަސާތަކާއި އޮފީސްތަކާއި ކުންފުނިތަކުގައި މަސައްކަތް ކުރަމުންދާ ގިނަބަޔަކު ވަނީ ލީކުވަމުންދާ ވީޑިއޯތަކާއި ގުޅިގެން ސަސްޕެންޑް ކޮށްފައެވެ. އޭގެތެރޭގައި ކަސްޓަމްސްގެ ދެ މީހަކާއި، ހޯމް މިނިސްޓްރީގައި މަސައްކަތް ކުރާ ސިވިލް ސާވަންޓަކާއި ރައްޔިތުން މަޖިލީހުގެ އިދާރާގެ އިދާރީ މުވައްޒަފަކު ވެސް ހިމެނެއެވެ. އިއްޔެ ވަނީ މުދިމަކު ވެސް ސަސްޕެންޑް ކޮށްފައެވެ.
އެއް ޖިންސުން ގުޅުން ހިންގުމުގެ ތުހުމަތުގައި، ފުލުހުން އެންމެ ފުރަތަމަ ހައްޔަރު ކޮށްފައިވާ މީހުންގެ ތެރޭގައި މަޖިލިސް ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރުއާއި، ރައްޔިތުންގެ މަޖިލިހުގެ ކުރީގެ މެމްބަރު ކާނަލް ނަޝީދުއެވެ. އެއް ޖިންސުން ގުޅުން ހިންގުމުގެ ތުހުމަތުގައި ހައްޔަރުކުރި މީހުންގެ ތެރޭގައި ނޫސްވެރިޔާ ނަސީރުވެސް ހިމެނެއެވެ.
ބަންގލަދޭޝްގެ ރައްޔިތެއްކަމުގައިވާ އަލަމްގިރިއާއެކު އެއްޖިންސުން ގުޅުން ހިންގި މީހުންގެ އަދަދު 200 އިން މަތީގައި އުޅޭކަމަށް މަޢުލޫމާތު ފެތުރިފައިވި ނަމަވެސް ފުލުހުން ވިދާޅުވެފައިވަނީ، އެ މުވައްސަސާއިން ތަހުގީގު ކުރަމުންދަނީ އަލަމްގިރިއާއެކީ ގުޅުން ހިންގާފައިވާ 38 މީހެއްގެ މައްސަލަ ކަމުގައެވެ.
އެއް ޖިންސުން ގުޅުން ހިންގަނިކޮށް އަލަމްގިރި ރެކޯޑް ކޮށްފައިވާ ވޯޑިއޯތަކުގެ ބޭނުން ކޮށްގެން ގިނަބަޔަލު ބްލެކްމެއިލް ކުރަމުންދާ ކަމުގައިވެސް ފުލުހުން ވަނީ ބުނެފައެވެ.
One Response
ޔޯގާގަހައްޔަރުކުރިމީހުނައް އަނިޔާވެރިވެފަ މިނުބާފާހިސްއަމަލުތަށްކުރިމިހުނަށް މިހާހެޔޮކޮންމިހިތީ ނާޒިމުސައްތާރަށްޓަކާތަ ނަސީދުފޮޓޯދައްކަފާނެތީބަ މުޅިގައުމުހަލާކުގެތެރެޔަށްދޫކޮންލަނީ ހަމައެކަމަށްޓަކާ