ރާއްޖޭގަ މިވަގުތު އޮތް ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލު ކުރުމަށް އެމްޑީޕީގެ ކޮންގްރެސްއަށް ނަޝީދު ހުށަހަޅުއްވާ ގަރާރު މިއަދި ޕާޓީގެ އޮފީހަށް ހުށަހަޅުއްވައިފިއެވެ.
މި ގަރާރަށް ތާއީދު ކޮށްފައިވަނީ، ރައީސް އޮފީހުގެ މިނިސްޓަރި އަދި އެމްޑީޕީގެ ނާއިބު ރައީސް ޝިފާޒުއެވެ.
މިހަރާރުގައި ނަޝީދު ހިމަނުއްވާފައިވަނީ، ރާއްޖޭގެ ވެރިކަމުގެ ނިޒާމު ބަރުލަމާނީ މިޒާމަކަށް ބަދަލު ކުރުމަށް ރައްޔިތުންގެ ފެންނަ ނުފެންނަ ވޯޓަކަށް ދިއުމަށް އެމްޑީޕީގެ ކޮމްގްރެސް އިގުރާރު ވުމަށެވެ.
އަދި މިގޮތަށް އެމްޑީޕީގެ ކޮންގަރެސްއިން ފާސް ވެއްޖެނަމަ، ރައްޔިތުންގެ މަޖިލިހުގެ އަދަދު 87 މެމްބަރުންނަށްވުރެ އިތުރު ނުކުރުމަށާއި އޭގެ އިތުރުން ސުޕްރީމް ކޯޓުގެ ފަނޑިޔާރުންގެ އަދަދު 5 އަށް ހަމަޖެއްސުމަށް ގާނޫނުނއަސާސީއަށް ބަދަލު ގެނައުމަށް އިގުރާރުވުންވެސް މި ގަރާރުގައި ނަޝީދު ހިމަނުއްވާފައި ވެއެވެ.
ރާއްޖޭގަ މިވަގުތު އޮތް ވެރިކަމުގެ ނިޒާމު ބަދަލު ކުރުމަށް ކުރިޔަށް އޮތް އެމްޑީޕީގރ ކޮންގްރެސްއަށް ނަޝީދު ޚާއްސަ ގަރާރެއް ހުށަހަޅުއްވާފއި ވާއިރު، ވެރިކަމުގެ ނިޒާމް ބަދަލު ކުރުމާއި ރައީސް ސާލިހުވަނީ ދެކޮޅު ހައްދަވާފައެވެ.
އެމްޑީޕީގެ ކޮންގްރެސއ ބޭއްވުމަށް ހަމަޖެހިފައި ވަނީ މިމަހުގެ 19 ވަނަ ދުވަހު ސޯޝަލް ސެންޓަރުގައެވެ. މިމަހުގެ 19 ގައި ސޯޝަލް ސެންޓަރުގައި ބާއްވާ އެމްޑީޕީގެ ކޮންގްރެސްގައި ކުރިއަށްދާނެ ކަންކަމުގެ ތެރޭގައި އެމްޑީޕީގެ އަސާސީ ގަވާއިދަށް އިސްލާހު ހުށަހަޅަން ބޭނުންވާ ފަރާތްތަކަށް އެ ފުރުސަތު ދިނުން ހިމެނެއެވެ. އަދި ކުރިއަށް އޮތް ތަނުގައި އެމްޑީޕީން ހަރަކާތްތެރިވާނެ ގޮތުގެ ހުށަހެޅުންތައް ހުށަހެޅުންވެސް ކޮންގްރެސްގައި ކުރިއަށްދާނެއެވެ.
