އެއްވެސް ރަހުމެއްނެތި އަނިޔާވެރިކަމާއެކު ޒުވާން އަންހެން ކުއްޖަކު މަރާލާފައިވާ މައްސަލާގައި ކަންބޮޑުވުން ފާޅުކޮށް މަރާލެވިފައިވާ ޝިއާގެ މަރުގެ ޒިންމާ އުފުލަންޖެހޭ ފަރާތްތާއި އެކަމަށް ވާގިވެރިވީ ފަރާތްތަކާއި ހިތްވަރުދިން ފަރާތްތަކަކީ ކޮބައިކަން ހޯދާ ތަހުގީގު އަވަސްކުރުމަށް އިދިކޮޅު ޕޕީއެމް/ޕީއެންސީއިން ގޮވާލައިފިއެވެ.
އިދިކޮޅު ޕޕީއެމް/ޕީއެންސީއިން ނެރެފައިވާ ބަޔާނެއްގައި ގޮވާލާފައިވަނީ އެފަދަ ރަހުމްކުޑަ ލާއިންސާނީ އަމަލު ހިންގާ ފަރާތްތަކާމެދު އެއްވެސް ހަމްދަރުދީއެއް ނެތި، ގާނޫނުތަކުން ކަނޑައަޅާފައިވާ އެންމެ ހަރުހަށި އަދަބުވެސް ދިނުމަށެވެ.
އަނިޔާވެރިކަމާއެކު މަރާލެވިފައިވާ ޝީއާއު މުހައްމަދު ސައީދުގެ އާއިލާއަށާއު، ރަހުމްތަތެރިންނަށް ކުރިމަތިވެފައިވާ ފުން ހިތާމާގައި، އިދިކޮޅު ކޯލިޝަނުން ބައިވެރިވެ، އާއިލާއަށާއި ރަހުމަތްތެރިންނަށް ޕީޕީއެމްގެ ރައީސް އަބުދުﷲ ޔާމިން އަބުދުލްގައްޔޫމާއި، ކޯލިޝަންގެ ލީޑަރޝިޕާއި ސެނެޓާއި ސްޓިއަރިންގ ކޮމިޓީތަކާއި އާންމު މެމްބަރުންގެ ނަމުގައި ތައުޒިޔާ ފޮނުވާކަމަށްވެސް މި ބަޔާނުގައި ވިދާޅުވެފައި ވެއެވެ.
ރޭގެ އިރާކޮޅުގެ ވަގުތުގައި ހެ، ޝީރީން ވިލާގައި އަނިޔޭވެރި ގޮތަކަށް މަރާލާފައިވަނީ . ފުވައްމުލަކަށް އުފަން ޝިއާއު މުހައްމަދު ސައީދު 22، (ޝިއާ)އެވެ. އޭނާ މަރާލީ ފ. ނިލަންދު އަށް އުފަން ރާއްޖޭގެ މަޝްހޫރު ސްކޭޓާ އަލީ ޝާހިލް، 23 އެވެ.
ފުލުހުންވަނީ އަލީ ޝާހިލް ކުށުގެ ވެށިން ހައްޔަރު ކޮށްފައެވެ. އަދި މިއަދު ކުރިމިނަލް ކޯޓުންވަނީ ޝަރީއަތް ނިމެންދެން އޭނާ ބަންދުގައި ބެހެއްޓުމަށް އަމުރު ކޮށްފައެވެ.
