ރޭގެ މެންދަމުގެ ވަގުތުގައި މުޅި ރާއްޖެއަށް އާންމު ވެގެން ދިޔައީ އަދި މިހާތަނަށް މަދުން ނޫނީ އާންމުވެގެން ގޮސްފައި ނުވާފަދަ ބިރުވެރި މަރެއްގެ ޚަބަރުތަކެވެ.
ހެންވޭރު ޝީރީން ވިލާގައި މަރާލި އަންހެން ކުއްޖާގެ މަރުގެ ޚަބަރު މީޑިއާތަކުން ތިލަވެގެން ދިޔައީ އޭގެވެސް އިރުތަކެއް ފަހުން، ފުލުހުން އެގެއަށްގޮސް، އެހިސާބުގަޑު ބަންދު ކުރުމާ ހަމަހައިންނެވެ. އެހެންނަމަވެސް އެއިރުވެސް، މިއީ ކިހިނެއް އަދި ކޮންގޮތަކަށް ހިގާފައިވާ ހާދިސާއެއްކަން ގިނަ ބަޔަކަށް ނޭގޭއިރު، މިހާދިސާގައި ޝާމިލްވީ ކޮން ބަޔަކު ކަމެއްވެސް ގިނަ ބަޔަކަށް އެގިފައެއް ނުވެއެވެ.
އެހެންނަމަވެސް، ރޭގެ ދަންވަރުގެ ވަގުތު، ފުލުހުން ހ. ޝީރީންވިލާއިން، ގަތުލުކޮށް މަރާލި އަންހެން ކުއްޖޭގެ ހަށިގަޑުގެ ބައިތައް، ކަޅު ކުލައިގެ ވަކި ކޮތަޅުތަކުގައި ނެރުމާއި ހަމައިން މި ހާދިސާގެ ނުރައްކާތެރިކަމާއި، އަނިޔާވެރިކަން ޔަގީން ކުރެވިގެން ދިޔައެވެ.
އަދި އެއަށްފަހު އެގުނު ގޮތުގައި، އެހާދިސާގައި މަރާލާފައިވަނީ ޏ. ފުވައްމުލަކަށް އުފަން ޝިއާއު މުހައްމަދު ސައީދު 22، (ޝިއާ)އެވެ. އޭނާ މަރާލީ ފ. ނިލަންދު އަށް އުފަން ރާއްޖޭގެ މަޝްހޫރު ސްކޭޓާ އަލީ ޝާހިލް، 23 އެވެ.
ޝީރީންވިލާގައ ދިރިއުޅޭ ބައެއް ފަރާތްތަކުން ޚަބަރު އޮންލައިންއަށް ކިޔައިދީފައިވާ ގޮތުގައި، އެ އިމާރާތުގެ 9 ވަނަ ފަންގިފިލާއިން ރޭގެ 10:30 ހާއިރު ދެ ފަހަރެއްގެ މަތިން ވަރުގަދަ އަޑުފަށްގަޑެއް އިވިފައި ވެއެވެ. މި އަޑު އެހި ފަރާތަކުން ޚަބަރު އޮންލައިނަށް ކިޔައިދިން ގޮތުގައި މިއަޑު ބޮޑަށް ވައްތަރީ ބޯ ފާރެއްކަހަލަ ތަނެއްގައި ބާރަށް ޖެހިގެން އިވޭކަހަލަ އަޑަކާއި ކަމަށެވެ. އެފަރާތުން ޚަބަރު އޮންލައިނަށް ކިޔައިދިން ގޮތުގައި، މިއަޑު ވަރަށް ގަދައަށް އިވިފައިވަނީ ދެފަހަރެއްގެ މަތިންނެވެ. އެހެންނަމަވެސް މި އަޑާއެކުވެސް މީހަލު ހަޅޭލެއްވި އަޑެއް އެ ފަންގިފިލާއިން އިފިވައެއް ނުވެއެވެ.
ޚަބަރު އޮންލައިނަށް މައުލޫމާތުދިން ބައެއް ފަރާތްތަކުން ކިޔައިދިން ގޮތުގައި، ހ. ޝީރީންވިލާގެ 9ވަނަ ފަންގިފިލާގައި އާންމު ގޮތެއްގައި ދިރިއުޅޭކަމަށް ބެލެވެނީ ޒުވާން ދެމަފިރިއެވެ. އަދި ޝިއާ މަރާލި ޝާހިލް އެ ފްލޯގައި ދިރިއުޅޭން ފެށިތާ މާގިނަ ދުވަހެއް ނުވާނެ ކަމަށާއި، އަދި ޝިއާ އެ އިމާރާތުން ފެންނަން ފެށިތާވެސް މާގިނަ ދުވަހެއް ނުވާނެ ކަމުގައެވެ. އަދި ޝިއާއާއި ޝާހިލްއަކީ ދެމަފިރިން ކަމަށް ނުބެލެވޭކަމަށްވެސް މައުލޫމާތު ދިން ފަރާތުން ކިޔައިދީފައި ވެއެވެ.
ބައެއް މީޑިއާތަކުގައި މަރުވި ޝިއާއާއި އޭނާގެ ގާތިން ޝާހިލްއަކީ ދެމަފިރިންކަމަށް ރިޕޯޓު ކޮށްފައިވި ނަމަވެސް، އެކަން އަދި ޔަގީން ކުރެވިފައެއް ނުވެއެވެ.
ޚަބަރު އޮންލައިންއާއި މައުލޫމާތު ހިއްސާކުރި ފަރާތްތަކުން ކިޔައި ދީފައިވާ ގޮތުގައި، ހ. ޝީރީން ވިލާގެ 9 ވަނަ ފަންގިފިލާއަކީ އާންމުކޮށް ހަފްތާ ބަންދުގައި ގިނަ ޒުވާނުންތަކެއް އެއްވެ އަޑުބާރުކޮށް ލަވައާއި މިޒުޒިކު ކުޅޭ ތަނެއް ކަމުގައެވެ. އަދި އާންމު ގޮތެއްގައި ކޮންމެ ހަފްތާއަކުވެސް ބުރާސްފަތި ދުވަހުގެރެއަކީ، ގިނަ ޒުވާނުންތަކެއް އެއްވެ، ދަންވަންދެން މި ފަންގިފިލާގައި ބާރަށް ލަވަޖަހާ މިއުޒިކް ކުޅޭ ރެއެއް ކަމުގައެވެ.
ރޭ ހިނގި މިއަނިޔާވެރި މަރުގެ ހާދިސާ ހިންގިކަމަށް ބެލެވެނީ ރޭގެ މެންދަމުގެ ކުރީގެ ވަގުތެއްގައެވެ. މިމައުލޫމާތު ލިބި ފުލުހުން މިހާދިސާ އެ ފަންގިފލާއަށް ގޮސްފައިވަނީ ރޭގެ 11:30 ހާއިރުއެވެ. މައުލޫމާތު ލިބިފައިވާ ގޮތުގައި ޝާހިލްއާއި ޝިއާ ހ. ޝީރީންވިލާގެ 9 ވަނަ ފަންގިފިލާގައި ދިއިރުޅެއްމުން ގޮސްފައިވަނީ އެ ފްލޯއިން ކޮޓަރިއެއް ކުއްޔަށް ހިފައިގެންނެވެ.
ފައިތުވެދިޔަ އަހަރުވެސް ގޮތް ނޭގޭގޮތަށް އެ އިމާރާތުގެ 10 ވަނަ ފަންގިފިލާގައި އުޅުނު ބިދޭސީއަކުވެސް ވަނީ މަރުވެފައެވެ. އަދި އެއަށްފަހު އެ ފަންގިފިލާގައި އުޅުނު އެހެން ބިދޭސީއަކު ފެނިފައިވަނީ ދަންޖެހިފައި ހުއްޓައެވެ.
