ބޮލީވުޑްގެ ބަތަލާ އަނުޝްކާ ޝަރްމާއަށް ދަރިއަކު ލިބުނު ފަހުން ކުޅޭ ފުރަތަމަ ފިލްމު "ޗަކްދާ އެކްސްޕްރެސް"އަށް ތައްޔާރު ވުމުގެ ގޮތުން ކްރިކެޓް ޓްރެއިނިންގ ހަދަމުން ދާކަމަށް ރިޕޯޓްތައް ބުނެފިއެވެ.
މި ފިލްމް އަކި 2018 ވަނަ އަހަރުގެ ފްލޮޕް ފިލްމް "ޒީރޯ" އަށް ފަހު އަނުޝްކާ ކުޅޭ ފުރަތަމަ ފިލްމެވެ. ފިލްމު ރަސްމީކޮށް އިއުލާންކޮށް މިހާރު ޝޫޓިންގެ ފުރަތަމަ ޝެޑިއުލްވެސް ވަނީ ނިންމާލާފައެވެ.
މި ފިލްމަކީ އިންޑިއާގެ ކްރިކެޓް ކުޅުންތެރިއާ އަދި އަންހެން ޓީމްގެ ކެޕްޓަން ކަންވެސް ކުރި ޖޫލާން ގޯސްވާމީގެ ވާހަކަ ކިޔައިދޭ ފިލްމެކެވެ. އަނުޝްކާގެ ފިލްމު ކުންފުނި ކްލީން ސްލޭޓް ފިލްމްސް އިން ޕްރޮޑިއުސްކުރާ "ޗަކްދާ އެކްސްޕްރެސް" ޑައިރެކްޓްކުރާނީ ޕްރޮސިތު ރޯއިއެވެ.
View this post on Instagram
ކްރިކެޓް ކުޅުންތެރިއެއް ގެ ރޯލުން އަނުޝާކާ ފެނިގެންދާއިރު މިއީ މިފަދަ ރޯލަކުން އަނުޝްކާ ފެނިގެންދާ ފުރަތަމަ ފިލްމެވެ. މީގެ ކުރިން ޚަބަރުތައް ބުނެފައިވާ ގޮތުގައި އަނުޝްކާ މިފިލްމަށް ނޫނެކޭ ވެސް ބުނެފައި ވެއެވެ. އެއާއެކު ފިލްމުގެ ލީޑު ތުރިޕްތީ ދިމްރީއަށް ހުށަހެޅި ކަމަށް ވެސް އޭރު ޚަބަރުތައް ބުނެފައި ވެއެވެ.
View this post on Instagram
އިންޑިއާގެ ކްރިކެޓް ކެޕްޓަން ވިރާޓް ކޯލީގެ އަންހެނުން ކްރިކެޓް ކުޅުންތެރިއެއްގެ ރޯލުން ފެންނަ ފިލްމު ޕްރިމިއާ ކުރަން ހަމަ ޖެހިފައިވަނީ ނެޓްފްލިކްސް އިންނެވެ. ވިރާޓް އާއި އަނުޝްކާ ކައިވެނި ކުރީ 2012 ވަނަ އަހަރުއެވެ. އަދި މި ދެމީހުނަށް އަލަތު ދަރިއަކު ލިބިފައިވަނީ 2021 ވަނަ އަހަރުއެވެ.
