ބަރަހަނާ ފޮޓޯ ޝޫޓެއް ކުރި މައްސަލާގައި ބޮލިވުޑްގެ ތަރި ރަންވީރު ސިންގެ މައްސަލަ ވަނީ ވަރަށް ބޮޑުވެފައެވެ. މެގަޒިން އަކަށް ކުރި މި ފޮޓޯ ޝޫޓްގައި އޭނާ ބަރަހަނާ ވުމުން އެކަމާހިތްހަމަ ނުޖެހުން އާންމުން ވަނީ ފާޅުކޮށްފައެވެ.
ނަމަވެސް ބޮލީވުޑްގެ މަޝްހޫރު ބަތަލާ ދީޕިކާ ޕަޑުކޯންގެ ފިރިމިހާގެ ދިފާއުގައި ބޮލީވުޑްގެ ގިނަ ތަރިންތަކެއް ވަނީ ވާހަކަ ދައްކާފައެވެ. އެމީހުން ބުނީ ރަންވީރުގެ މި ފޮޓޯ ޝޫޓުން ދައްކުވައިދިނީ އޭނާއަށް ކެރޭ ކަމާއި ގަޓް ހުރި ކަން ކަމަށެވެ.
އަނެއް ކޮޅުން އާންމުން ބުނަމުން އަންނަނީ އެއީ އެއްވެސް ވަރަކަށް ބަލައި ގަނެވޭނެ ކަމެއް ނޫން ކަމަށެވެ. މީގެ އިތުރުން އިންޑިއާގެ އަމިއްލަ ޖަމިއްޔާ އަކުން ވަނީ އެ މައްސަލަ ކޯޓަށް ވެސް ހުށައަޅާފައެވެ.
މައްސަލަ ހުށަހެޅި ޖަމިއްޔާ އިން ބުނި ގޮތުގައި ރަންވީރުގެ ބަރަހަނާ ފޮޓޯތަކަކީ އަންހެނުންގެ އިހުސާސްތަކާ ކުޅެ، އެ މީހުންގެ ޖަޒުބާތުކަށް ވެސް ފުރައްސާރަކުރުމުގެ ގޮތުން ހިންގާފައިވާ ދަށު ދަރަޖައިގެ އަމަލެއް ކަމަށް ބުނެއެވެ.
މީގެ އިތުރުން އެ ޖަމިއްޔާ އިން ވަނީ ރަންވީރަށް ހެދުން ޑޮނޭޓް ކުރުމުގެ ފުރުސަތު ހުޅުވާލައިފައެވެ. އަދި ބޮޑު ފޮއްޓެއްގައި ރަންވީރު ގެ ބަރަހަނާ ފޮޓޯއެއް ހިއްޕައި އޭނާއަށް ހެދުން ހަދިއާ ކުރެވޭނެ ކަމަށް ލިޔެފައި ވެއެވެ.
Clothes donation drive held for #RanveerSingh in Indore. pic.twitter.com/jxmInVztVc
— Tari Poha (@Alone_Mastt) July 26, 2022
މި މައްސަލާގައި އާންމުންގެ ގިނަ ބަޔަކު އަޑު އުފުލާފައި ވަނިކޮށް ރަންވީރަށް ސަޕޯޓް ކުރުމުގެ ގޮތުން ބޮލީވުޑްގެ ބައެއް ތަރިން ދަނީ ބަރަހަނާ ވެގެން އެނާ ކޮޕީކޮށް ފޮޓޯ ނަގަމުންނެވެ.
