ކޯވިޑް-19 އަށް ޕޮޒިޓިވްވާ މީހުން ޢަދަދުތައް ދަށަށްދާކަމަށް އެޗްޕީއޭގެ ތަފާސް ހިސާބުތަކުން ދައްކައިފިއެވެ. އެޗްޕީއޭއިން ހާމަކޮށްފައިވާ އެންމެ ފަހުގެ ތަފާސްހިސާބުތައް ދައްކާގޮތުން މިމަހުގެ 17 އިން 23 އަށް ރާއްޖޭން ކޯވިޑް ޕޮޒިޓިވްވެފައިވަނީ 394 މީހުންނެވެ.
އޭގެ ތެރޭގައި ހިމެނެނީ މާލޭ ސަރަޙައްދުން ޕޮޒިޓިވްވި 69 މީހަކާއި، އަތޮޅުތަކުން ޕޮޒިޓިވްވި 236 މީހެއްގެ އިތުރުން އެހެނިހެން ސަރަޙައްދުތަކުން ޕޮޒިޓިވްވި 89 މީހަކު ހިމެނެއެވެ. މިއީ ޖުލައި މަހުގެ ވޭތުވެދިޔަ 3 ހަފްތާއާއި އަޅާބަލާއިރު ދަށްވުމެކެވެ. ޖޫން މަސް ނިމި ޖުލައިމަސް ފެށުނުއިރު، ރާއްޖޭގައި ކޯވިޑް ޢަދަދުތައް ހުރީ 1000 މަތީގައެވެ.
✴️Weekly COVID-19 Cases pic.twitter.com/wNTS8IvUGB
— Health Protection Agency (@HPA_MV) July 25, 2022
ކޯވިޑް ޖެހިގެން ހޮސްޕިޓަލްތަކުގައި އެޑްމިޓްކޮށްގެން ފަރުވާ ދޭންޖެހޭ މީހުން ޢަދަދުތައްވެސް މިހާރު ވަނީ މަޑުމަޑުން ދަށްވާން ފަށާފައެވެ. އެގޮތުން މިދިޔަ ހަފްތާގައި އެޑްމިޓްކޮށްފައިވަނީ 28 މީހުންނެވެ. އޭގެ ކުރީ ހަފްތާގައި މި ޢަދަދު ހުރީ 35 ގައެވެ. އަދި ޖުލައި މަސް ފެށުނުއިރު މި ޢަދަދު ހުރީ 54 ގައެވެ.
މިހާތަނަށް ރާއްޖެއިން ކޯވިޑަށް ޕޮޒިޓިވްވީ މީހުންގެ ޢަދަދުވަނީ 184،302 އަށް އަރާފައެވެ. އަދި ރާއްޖެއިން މިބަލީގައި މިހާތަނަށް 307 މީހަކު ނިޔާވެފައިވެއެވެ.
ކޮމެންޓު ފޮނުވާ