އެއްޖިންސުން ގުޅުންހިންގި ހުރިހާ އެންމެންނަށް ޤާނޫނުގައި ބުނާ އެންމެ ހަރުކަށި އަދަބު ދިނުމަށް ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ މެންބަރު ޢަބްދުﷲ ސަނީފު ގޮވާލައްވައިފިއެވެ.
މިއީ މިހާރު ފެންމަތިވެގެން އުޅޭ އެއްޖިންސުން ގުޅުންހިކަމަށް ބުނާ މައްސަލައާއި ގުޅޭގޮތުން ފުރަތަމަ ފަހަރަށް ރައްޔިތުންގެ މަޖިލީހުގެ އެމްޑީޕީގެ މެންބަރަކު ވާހަކަ ދެއްކި ފަހަރެވެ. ސަނީފް ވަނީ ދިވެހިރާއްޖެ އާއި ދިވެހިންގެ މުސްތަގުބަލަށް. އެއްޖިންސުން ގުޅުން ހިންގި އެންމެހައި ފަރާތްތަކުގެ މައްސަލަ ބަލައި ގާނޫނުގަ ބުނާ އެންމެ ހަރުކަށި އަދަބު ދިނުމަށް ދިވެހި ފުލުހުންނާއި ޕްރޮސެކިއުޓަރ ޖެނެރަލަށްއަށް ގޮވާލައްވާފައެވެ. އޭނާ ވިދާޅުވީ މި މައްސަލަ ނުބަލާ ނަމަ ކޮންމެ ފަދަ މުސީބާތެއް ވެސް ދިމާވެދާނެކަމަށެވެ.
ދިވެހި ފުލުސް އަދި ޕޖ އަށް މިދަންނަވަނީ ދިވެހިރާއްޖެ އާއި ދިވެހިންގެ މުސްތަގުބަލަށް. އެއްޖިންސުން ގުޅުން ހިންގި އެންމެހައި ފަރާތްތަކުގެ މަސްސަލަ ބަލައި ގާނޫނުގަ ބުނާ އެންމެ ހަރުކަށި އަދަބު ދިނުމަށް، މިކަން ނުބަލާ ނަމަ ކޮންމެ ފަދަ މުސީބާތެއް ވެސް އަޅުގަނޑު މެނާއި ދިމާވެދާނެ. pic.twitter.com/krwUeLa4XJ
— Abdulla Saneef (@SaneefAbdulla) July 24, 2022
އެއްޖިންސުން ގުޅުންހިންގިކަމަށް ތުހުމަތު ކުރެވޭ މައްސަލައާއި ގުޅިގެން މިހާތަނަށް އާންމުވެފައިވާ މައުލޫމާތުތަކުން އެނގެނީ ބަންގްލަދޭޝްގެ ރައްޔިތެއްކަމަށްވާ އަލަމްގިރިއާއެކު ދިވެހި 200އަށް ވުރެ ގިނަ މީހުން ގުޅުން ހިންގާފައިވާކަމެވެ.
އޭގެ ތެރެއިން ބައެއްމީހުންގެ ވީޑިއޯއާއި ފޮޓޯ ވަނީ އާންމުވެފައެވެ. އަލަމްގިރިއާއެކު ގުޅުން ހިންގިކަމަށް ތުހުމަތުކުރެވޭ ވީޑިއޯތަކުގެ ތެރޭގައި ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުޙައްމަދު ނަޝީދުގެ ކޮއްކޮ އަދި ޤާނޫނީ ވަކީލް ނާޒިމް ސައްތާރު ހިމެނެއެވެ. އަދި ޑީއާރުޕީގެ ކުރީގެ ލީޑަރު އަދި ނޮޅިވަރަމް ދާއިރާގެ ކުރީގެ މެންބަރު މުޙައްމަދު ނަޝީދު (ކާނަލް)ވެސް އަލަމްގިރި އުޅޭ ކޮޓަރިއަށް ގޮސްފައިވާ ވީޑިއޯ ދައުރުވެއެވެ. ނަމަވެސް ކާނަލް ނަޝީދު ވަނީ އޭނާ އެ ކޮޓަރިއަށް ގެންދިޔައީ ވިޔަފާރީގެ މީޓިންއަކަށް ބުނެކަމަށެވެ.
އަލަމްގިރިއާއި އެކުނޫނަސް، އެއްޖިންސުން ގުޅުން ހިންގި އެހެން ވީޑިއޯއާއި ފޮޓޯ އާންމުވެފައިވެއެވެ. އެގޮތުން ރައްޔިތުންގެ މަޖިލީހުގެ ހެންވޭރު ދެކުނު ދާއިރާގެ މެންބަރު ޙުސައިން ޝަހީމް (އަންދުން ޙުސައިން) އިތުރު ބަޔަކާއެކު ބަރަހަނާ ހާލުގައި އޮތް ފޮޓޯއެއް އާންމުވެފައިވެއެވެ. އަދި ރާއްޖެ ޓީވީގެ ކުރީގެ ނޫސްވެރިޔާ އަބްދުﷲ ނަސީރުގެ އެއްޖިންސުން ގުޅުންހިންގާ ވީޑިއޯއެއްވެސް ދަނީ ދައުރުވަމުންނެވެ.
މިމައްސަލަތައް ބަލަމުން އަންނަކަމަށް ފުލުހުން ބުނެފައިވެއެވެ.
