ހދ.ކުޅުދުއްފުށީ ޖަލާލުއްދީން ސްކޫލުގައި ކުލާސްރޫމް އިމާރާތެއް އެޅުމަށް ބަޔަކާ ޙަވާލުކޮށްފިއެވެ.
އެޑިއުކޭޝަން މިނިސްޓްރީން މި މަސައްކަތް ޙަވާލުކޮށްފައިވަނީ އިވޯސަން މޯލްޑިވްސް ޕްރައިވެޓް ލިމިޓެޑާއެވެ. މިކަމުގެ އެއްބަސްވުމުގައި އެޑިއުކޭޝަން މިނިސްޓްރީގެ ފަރާތުން ސޮއިކުރެއްވީ، ސީނިއަރ ޕޮލިސީ ޑިރެކްޓަރ ނައުޝާދު އިބްރާހީމެވެ. އަދި އިވޯސަން މޯލްޑިވްސްގެ ފަރާތުން ސޮއިކުރެއްވީ އެކުންފުނީގެ ޑިރެކްޓަރ ރިއްފަތު އިބްރާހީމެވެ.
މި މަސައްކަތަކީ 2021 ވަނަ އަހަރުގެ ޕީ.އެސް.އައި.ޕީ ބަޖެޓުން ކުރިއަށްގެންދާ މަޝްރޫޢެއްކަމަށް އެޑިއުކޭޝަން މިނިސްޓްރީން ވިދާޅުވެއެވެ. އެގޮތުން މި މަސައްކަތަށް 9.2 މިލިއަން ރުފިޔާ ޚަރަދުވާނެކަމަށް މިނިސްޓްރީން ވިދާޅުވެއެވެ.
މި މަޝްރޫޢުގެ ދަށުން އިމާރާތް ކުރުމަށް ހަމަޖެހިފައިވަނީ 8 ކުލާސްރޫމުގެ އިމާރާތެކެވެ. މި މަސައްކަތް އިވޯސަން މޯލްޑިވްސްއާއި ޙަވާލުކޮށްފައިވަނީ އެއް އަހަރު ދުވަހުގެ ތެރޭގައި މަސައްކަތް އެއްކޮށް ނިންމާގޮތަށެވެ.
ހދ.ކުޅުދުއްފުށި ޖަލާލުއްދީން ސްކޫލުގެ 8 ކުލާސްރޫމް އިމާރާތުގެ މަސައްކަތް ހަވާލުކުރުމުގެ ކޮންޓްރެކްޓްގައި ސޮއިކުރުން. މި މަސައްކަތް ހަވާލުކުރީ 365 ދުވަސް ތެރޭގައި ނިންމާގޮތަށް، 9,217,632.06ރ އަށް އިވޯސަން މޯލްޑިވްސް ޕްރައިވެޓް ލިމިޓެޑާ. pic.twitter.com/KhAIMdSljr
— Ministry of Education (@MoEdumv) July 20, 2022
އެޑިއުކޭޝަން މިނިސްޓްރީން ވަނީ މަޖީދިއްޔާ ސްކޫލުގެ ވަށާފާރު ރޭނުމުގެ މަސައްކަތްވެސް އަމިއްލަ ކުންފުންޏަކާ ޙަވާލުކޮށްފައެވެ. މި މަސައްކަތް ޙަވާލުކޮށްފައިވަނީ ވެލްޓްރޭޑިންގ ޕްރައިވެޓް ލިމިޓެޑާއެވެ. މިކަމުގެ އެއްބަސްވުމުގައި އެޑިޔުކޭޝަން މިނިސްޓްރީގެ ފަރާތުން ސޮއިކުރެއްވީ ސީނިއަރ ޕޮލިސީ ޑިރެކްޓަރ މޫސާ ނައީމެވެ. އަދި ވެލްޓްރޭޑިންގގެ ފަރާތުން ސޮއިކުރެއްވީ، އެކުންފުނީގެ ފައިނޭންސް ޑިރެކްޓަރ ޢަބްދުﷲ އާސިމެވެ.
މި މަޝްރޫޢަކީވެސް 2021 ވަނަ އަހަރުގެ ޕީ.އެސް.އައި.ޕީ ބަޖެޓުން ކުރިއަށްގެންދާ މަޝްރޫޢެކެވެ. މި މަސައްކަތަށް 1.8 މިލިއަން ރުފިޔާ ޚަރަދުވާއިރު، މަސައްކަތް ފުރިހަމަ ކުރުމަށް ދީފައިވަީ 40 ދުވަހުގެ މުއްދަތެކެވެ.
ކޮމެންޓު ފޮނުވާ