2021 ވަނަ އަހަރުގެ ކާމިޔާބު ފިލްމް "ޕުޝްޕާ" އާއެކު ސައުތުގެ އެކްޓްރެސް ރަޝްމިކާ މަންދަނާގެ މަގުބޫލު ކަން ވަނީ ވަރަށް ބޮޑަށް އިތުރުވެގެން ގޮސްފައެވެ.
އެއާއެކު އޭނާއަށް ބޮލީވުޑުން އަންނަނީ ގިނަ ފުރުސަތު ތަކެއް ލިބެމުންނެވެ. އެގޮތުން އޭނާއަށް ބޮލީވުޑްގެ ފިލްމުތައް ފުލުފުލުން އަންނަނީ ލިބެމުނެވެ.
ރަޝްމިކާއަށް ބޮލިވުޑްގެ އެންމެ ނުފޫޒު ގަދަ އެއް ޕްރޮޑިއުސަރ ކަރަން ޖޯހަރު އުފައްދާ ފިލްމަކުން ވަނީ ފުރުސަތު ލިބިފައެވެ. އެއީ "ސްކުރޫ ޑިލާ"އެވެ.
މި ފިލްމުގައި ރަޝްމިކާ ފެނިގެން ދާނީ ބޮލިވުޑްގައި އަރަމުން އަންނަ އެކްޓަރު ޓައިގާ ޝްރޯޕާ އެކުގައިއެވެ. މި އެކްޝަން ތުރިލާގެ ޝޫޓިންގ އަންނަ އަހަރު ފަށާނެއެވެ. އަދި ފިލްމުގެ ބޮޑުބައެއް ނެގުމަށް ހަމަޖެހިފައިވަނި ޔޫރަޕުގައެވެ.
ޑައިރެކްޓަރު ޝަޝަންކް ކައިތަން ގެނެސްދޭން ތައްޔާރުވަމުން އަންނަ މި ފިލްމު ރިލިޒް ކުރާނެ ދުވަހެއް އަދި އިއުލާނެއް ނުކުރެއެވެ.
ކޮމެންޓު ފޮނުވާ